شىمكەنت قالاسىنىڭ اكىمى مۇرات ايتەنوۆتىڭ تىكەلەي ارالاسۋىمەن تۇرانداعى تالايدان بەرى جىر بولعان اۋىز سۋدىڭ ماسەلەسى وڭ شەشىلدى. تۇرعىندار اي سوڭىندا ساپالى سۋعا قولجەتكىزەدى دەپ كۇتىلۋدە. قازىرگى تاڭدا، قۇبىرلاردى جۋىپ-شايۋ جۇمىستارى جۇرگىزىلۋدە ەكەن.
تىرشىلىك نارىنەن تارىققان تۇراندىقتار وسى ۋاقىتقا دەيىن سۋدى ساتىپ ءىشىپ كەلگەن. قايناتىپ ىشپەسە، ءىشتى اۋىرتاتىن بوشكەدەگى سۋ اسىرەسە، جازدىڭ كۇنى اپتاعا جەتپەي يىستەنىپ، قينالاتىن ەدىك، دەيدى تۇرعىندار.
ەرالى ەرىمبەتوۆ – «تۇران» شاعىناۋدانىنىڭ تۇرعىنى
شاعىناۋدانعا اۋىز سۋ جۇيەسىن تارتۋ جۇمىستارى وسىدان 4 جىل بۇرىن باستالعان. بىلتىردان بەرى قارقىن العان قۇرىلىس، بيىل اياقتالىپ وتىر. قازىرگى تاڭدا قۇبىرلاردى جۋىپ-شايۋ جۇمىستارىن جۇرگىزىپ جاتقان مەردىگەر مەكەمە «ءۇشساي» جشس-گى بۇيىرتسا، قىركۇيەكتەن قالدىرماي تازا اۋىز سۋ تاراتامىز، دەپ وتىر. 62 شاقىرىمنان استام اۋماققا تارتىلعان سۋ قۇبىرىنا 1100 جۋىق ءۇي قوسىلعان.
نۇرلان سۇلتانوۆ - «ءۇشساي» جشس-ءنىڭ باس ينجەنەرى
مەملەكەت باسشىسى كۇنى كەشەگى جولداۋىندا وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتى 100 پايىز تازا اۋىزسۋمەن قامتاماسىز ەتۋدى تاپسىردى. شىمكەنت قالاسىندا وسى باعىتتا اۋقىمدى جۇمىستار اتقارىلۋدا. بيىل قالاداعى ەلدى مەكەندەردى اۋىز سۋمەن قامتاماسىز ەتۋ ماقساتىندا 14 نىساننىڭ قۇرىلىس جۇمىستارى جۇرگىزىلۋدە. ايتا كەتەيىك، وسى جىلى مەگاپوليستە 3 ماگيسترالدى سۋاققى، تاسىمالدى 7 ەلدى مەكەن جانە اۋىزسۋدى كەستەمەن پايدالانىپ وتىرعان ەكى ەلدى مەكەننىڭ قۇرىلىسى اياقتالىپ، 25,6 مىڭ ادام اۋىز سۋمەن قامتىلادى دەپ جوسپارلانۋدا. ناتيجەسىندە، قامتىلۋ كورسەتكىشى 95,6%-دان 98 پايىزعا وسپەك.
گ.اسقارقىزى
