Shymkent qalasynyń ákimi Murat Áıtenovtiń tikeleı aralasýymen Turandaǵy talaıdan beri jyr bolǵan aýyz sýdyń máselesi oń sheshildi. Turǵyndar aı sońynda sapaly sýǵa qoljetkizedi dep kútilýde. Qazirgi tańda, qubyrlardy jýyp-shaıý jumystary júrgizilýde eken.
Tirshilik nárinen taryqqan turandyqtar osy ýaqytqa deıin sýdy satyp iship kelgen. Qaınatyp ishpese, ishti aýyrtatyn bóshkedegi sý ásirese, jazdyń kúni aptaǵa jetpeı ıistenip, qınalatyn edik, deıdi turǵyndar.
Eraly Erimbetov – «Turan» shaǵynaýdanynyń turǵyny
Shaǵynaýdanǵa aýyz sý júıesin tartý jumystary osydan 4 jyl buryn bastalǵan. Byltyrdan beri qarqyn alǵan qurylys, bıyl aıaqtalyp otyr. Qazirgi tańda qubyrlardy jýyp-shaıý jumystaryn júrgizip jatqan merdiger mekeme «Úshsaı» JShS-gi buıyrtsa, qyrkúıekten qaldyrmaı taza aýyz sý taratamyz, dep otyr. 62 shaqyrymnan astam aýmaqqa tartylǵan sý qubyryna 1100 jýyq úı qosylǵan.
Nurlan Sultanov - «Úshsaı» JShS-niń bas ınjeneri
Memleket basshysy kúni keshegi Joldaýynda óńirlerdi damytýdyń ulttyq jobasy aıasynda bes jyl ishinde halyqty 100 paıyz taza aýyzsýmen qamtamasyz etýdi tapsyrdy. Shymkent qalasynda osy baǵytta aýqymdy jumystar atqarylýda. Bıyl qaladaǵy eldi mekenderdi aýyz sýmen qamtamasyz etý maqsatynda 14 nysannyń qurylys jumystary júrgizilýde. Aıta keteıik, osy jyly megapolıste 3 magıstraldy sýaqqy, tasymaldy 7 eldi meken jáne aýyzsýdy kestemen paıdalanyp otyrǵan eki eldi mekenniń qurylysy aıaqtalyp, 25,6 myń adam aýyz sýmen qamtylady dep josparlanýda. Nátıjesinde, qamtylý kórsetkishi 95,6%-dan 98 paıyzǵa óspek.
G.Asqarqyzy
