شىمكەنتتە جاڭا وقۋ جىلىندا 20 جاڭا مەكتەپ اشىلدى

1674
Adyrna.kz Telegram

شىمكەنت قالاسىندا مەملەكەتتىك ءبىلىم بەرۋ باعدارلاماسى تابىستى جۇزەگە اسىپ جاتىر. بيىلعى جاڭا وقۋ جىلىندا قالادا 20 جاڭا مەكتەپ اشىلىپ، 2 مەكتەپتىڭ قوسىمشا كورپۋسى اياقتالدى. وسىلايشا مەگاپوليستە اپاتتى مەكتەپتەر جويىلىپ، ءۇش اۋىسىمدى مەكتەپتەر سانى 14-تەن 9-عا ازايدى. جىل سوڭىنا دەيىن تاعى 4 جاڭا مەكتەپ اشىلادى.

«تۇران» شاعىن اۋدانىندا اشىلعان جاڭا مەكتەپپەن تانىسۋ بارىسىندا  قالا اكىمى م.ايتەنوۆ مەملەكەت باسشىسىنىڭ تاپسىرماسى اياسىندا شىمكەنت قالاسىندا ءبىلىم بەرۋ ينفراقۇرىلىمى قارقىندى دامىپ كەلەتىنىن ايتتى.– بيىلعى جاڭا وقۋ جىلى تاۋەلسىزدىگىمىزدىڭ 30 جىلدىق مەرەيتويى قارساڭىندا باستالىپ وتىر. تاۋەلسىزدىك جىلدارىندا شىمكەنت قالاسىنىڭ ءبىلىم سالاسى ۇلكەن جەتىستىكتەرگە قول جەتكىزدى. وسىدان وتىز جىل بۇرىن قالادا 69 مىڭ وقۋشىسى بار 72 مەكتەپ بولسا، قازىر 233 مىڭنان اسا وقۋشى وقيتىن 203 مەكتەپ بار. بيىلعى جاڭا وقۋ جىلىن قالا مەكتەپتەرى 233 879 وقۋشىمەن باستادى. وتكەن جىلمەن سالىستىرعاندا 8 مىڭ وقۋشىعا كوپ. ونىڭ ىشىندە 25 مىڭ وقۋشى العاش رەت مەكتەپ تابالدىرىعىن اتتاپ وتىر،-دەدى اكىم ءوز قۇتتىقتاۋ سوزىندە.

سونىمەن بىرگە قالا باسشىسى 2025 جىلعا دەيىن مەگاپوليستە 72 مەكتەپ سالۋ جوسپارلانعانىن ايتىپ، ونىڭ ىشىندە وسى جىلى 24 مەكتەپتىڭ قۇرىلىسى سالىنىپ، بۇگىن 20 ءبىلىم ۇيىمى پايدالانۋعا بەرىلگەنىن جەتكىزدى. بۇدان بولەك، ەكى مەكتەپ جانىنان قوسىمشا وقۋ كورپۋسى سالىندى. جىل سوڭىنا دەيىن تاعى 4 مەكتەپ اشىلادى دەپ كۇتىلۋدە. وسىلايشا بيىلعى جاڭا وقۋ جىلىن اپاتتى مەكتەپسىز باستاپ وتىرمىز دەگەن اكىم 2023 جىلعا دەيىن قالادا ءۇش اۋىسىمدى مەكتەپ ماسەلەسى تولىق شەشىلەتىنىن ءمالىم ەتتى.

سونداي-اق، اكىم بالالاردىڭ قاۋىپسىزدىگىن قامتاماسىز ەتۋ ءۇشىن مەكتەپتەر ۆيدەو باقىلاۋ جۇيسىمەن جابدىقتالىپ، تۋرنيكەتتەر قويىلىپ، دابىل باتىرمالارى ورناتىلعانىن، مەكتەپتەردىڭ ماتەريالدىق-تەحنيكالىق بازاسىن نىعايتۋ بويىنشا جۇمىستار جۇيەلى تۇردە جۇرگىزىلىپ كەلەتىنىن اتاپ ءوتتى. سونىمەن بىرگە جاڭا موديفيكاتسيالانعان جابدىقتارمەن قامتاماسىز ەتۋ ماقساتىندا 263 كابينەت، 178 ينتەراكتيۆتى تاقتا ورناتۋ جۇمىستارى جۇرگىزىلدى. ناتيجەسىندە، جاڭا موديفيكاتسيالانعان جابدىقتارمەن قامتىلعان ءپان كابينەتتەر ۇلەسى 32,5%-دان 65%-عا جەتتى. بۇل جۇمىستار جالعاسىن تاباتىن بولادى.

بارشا  ۇستازدار مەن شاكىرتتەردى ءبىلىم كۇنىمەن جانە جاڭا مەكتەپتىڭ اشىلۋىمەن قۇتتىقتاعان مۇرات ايتەنوۆ مەكتەپ تابالدىرىعىن العاش رەت اتتاپ وتىرعان ءبىرىنشى سىنىپتىڭ بۇلدىرشىندەرىنە ساتتىلىك تىلەپ، ولارعا الىپپە تابىستادى. قالا اكىمى 1200 ورىندىق وقۋ كەشەنىن ارداگەرلەرمەن بىرگە ارالادى. اباي سىنىبى، STEM-كابينەتى، شاحمات بۇرىشى، ەڭبەك شەربەرحانالارىمەن تانىستى. قۇرىلىستىڭ ساپاسى مەن ديزاينىنا ءمان بەرگەن شاھار باسشىسى جاڭا مەكتەپكە وڭ باعاسىن بەرىپ، مەكتەپ ديرەكتورىنا سانيتارلىق شارالاردىڭ ساقتالۋىن قامتاماسىز ەتۋدى تاپسىردى.ايتا كەتەيىك، پاندەمياعا بايلانىستى العاشقى قوڭىراۋ ءىس-شاراسى مەكتەپ اۋلاسىندا ءبىلىم تابالدىرىعىن العاش اتتاعان بۇلدىرشىندەر ءۇشىن عانا ۇيىمداستىرىلدى، قالعان سىنىپ وقۋشىلارىنا سانيتارلىق تالاپتاردى ساقتاي وتىرىپ سىنىپ ساعاتى ءوتتى.

 

اۆت. ايگەرىم

پىكىرلەر