Shymkent qalasynda memlekettik bilim berý baǵdarlamasy tabysty júzege asyp jatyr. Bıylǵy jańa oqý jylynda qalada 20 jańa mektep ashylyp, 2 mekteptiń qosymsha korpýsy aıaqtaldy. Osylaısha megapolıste apatty mektepter joıylyp, úsh aýysymdy mektepter sany 14-ten 9-ǵa azaıdy. Jyl sońyna deıin taǵy 4 jańa mektep ashylady.
«Turan» shaǵyn aýdanynda ashylǵan jańa mekteppen tanysý barysynda qala ákimi M.Áıtenov Memleket basshysynyń tapsyrmasy aıasynda Shymkent qalasynda bilim berý ınfraqurylymy qarqyndy damyp keletinin aıtty.– Bıylǵy jańa oqý jyly Táýelsizdigimizdiń 30 jyldyq mereıtoıy qarsańynda bastalyp otyr. Táýelsizdik jyldarynda Shymkent qalasynyń bilim salasy úlken jetistikterge qol jetkizdi. Osydan otyz jyl buryn qalada 69 myń oqýshysy bar 72 mektep bolsa, qazir 233 myńnan asa oqýshy oqıtyn 203 mektep bar. Bıylǵy jańa oqý jylyn qala mektepteri 233 879 oqýshymen bastady. Ótken jylmen salystyrǵanda 8 myń oqýshyǵa kóp. Onyń ishinde 25 myń oqýshy alǵash ret mektep tabaldyryǵyn attap otyr,-dedi ákim óz quttyqtaý sózinde.
Sonymen birge qala basshysy 2025 jylǵa deıin megapolıste 72 mektep salý josparlanǵanyn aıtyp, onyń ishinde osy jyly 24 mekteptiń qurylysy salynyp, búgin 20 bilim uıymy paıdalanýǵa berilgenin jetkizdi. Budan bólek, eki mektep janynan qosymsha oqý korpýsy salyndy. Jyl sońyna deıin taǵy 4 mektep ashylady dep kútilýde. Osylaısha bıylǵy jańa oqý jylyn apatty mektepsiz bastap otyrmyz degen ákim 2023 jylǵa deıin qalada úsh aýysymdy mektep máselesi tolyq sheshiletinin málim etti.
Sondaı-aq, ákim balalardyń qaýipsizdigin qamtamasyz etý úshin mektepter vıdeo baqylaý júısimen jabdyqtalyp, týrnıketter qoıylyp, dabyl batyrmalary ornatylǵanyn, mektepterdiń materıaldyq-tehnıkalyq bazasyn nyǵaıtý boıynsha jumystar júıeli túrde júrgizilip keletinin atap ótti. Sonymen birge jańa modıfıkaııalanǵan jabdyqtarmen qamtamasyz etý maqsatynda 263 kabınet, 178 ınteraktıvti taqta ornatý jumystary júrgizildi. Nátıjesinde, jańa modıfıkaııalanǵan jabdyqtarmen qamtylǵan pán kabınetter úlesi 32,5%-dan 65%-ǵa jetti. Bul jumystar jalǵasyn tabatyn bolady.
Barsha ustazdar men shákirtterdi Bilim kúnimen jáne jańa mekteptiń ashylýymen quttyqtaǵan Murat Áıtenov mektep tabaldyryǵyn alǵash ret attap otyrǵan birinshi synyptyń búldirshinderine sáttilik tilep, olarǵa álippe tabystady. Qala ákimi 1200 oryndyq oqý keshenin ardagerlermen birge aralady. Abaı synyby, STEM-kabıneti, shahmat buryshy, eńbek sherberhanalarymen tanysty. Qurylystyń sapasy men dızaınyna mán bergen shahar basshysy jańa mektepke oń baǵasyn berip, mektep dırektoryna sanıtarlyq sharalardyń saqtalýyn qamtamasyz etýdi tapsyrdy.Aıta keteıik, pandemııaǵa baılanysty alǵashqy qońyraý is-sharasy mektep aýlasynda bilim tabaldyryǵyn alǵash attaǵan búldirshinder úshin ǵana uıymdastyryldy, qalǵan synyp oqýshylaryna sanıtarlyq talaptardy saqtaı otyryp synyp saǵaty ótti.
AVT. ÁIGERIM
