ءبىلىم كۇنىندە شىمكەنتتە 3 جاڭا مەكتەپ وقۋشىلارعا ەسىگىن ايقارا اشتى. سولاردىڭ ءبىرى اپاتتى جاعدايداعى عيماراتتىڭ ورنىنا سالىنعان نيزامحان اتىنداعى جالپى ورتا مەكتەپ. زامانا تالابىنا ساي بوي كوتەرگەن ءبىلىم ۇياسىندا بۇگىن العاشقى قوڭىراۋ سوعىلدى. 1 سىنىپ وقۋشىلارى ءۇشىن ۇيىمداستىرىلعان مەرەكەلىك شارا بارلىق سانيتارلىق تالاپتارعا ساي ءوتتى.
بۇل ەسكى عيماراتتىڭ ورنىنان تۇرعىزىلعان جاڭا مەكتەپتە سوعىلعان العاشقى قوڭىراۋ. اينالاسى 3 اي ىشىندە سالىنعان ءبىلىم ۇياسى بۇگىن ەسىگىن ايقارا اشتى. 2 مىڭ وقۋشىعا لايىقتالعان "نيزامحان "ورتا مەكتەبىنىڭ" عيماراتى ەرەكشە ديزاينمەن ارلەنگەن. وسىعان دەيىن قىستا جىلىمايتىن ساپاسى سىن كوتەرمەيتىن ەسكى عيماراتتا وقىپ كەلگەن شاكىرتتەردىڭ قۋانىشىندا شەك جوق.
تىلەۋجان جۇماتايقىزى، وقۋشى: 9028 00-05-20 «بۇرىن ەسكى مەكتەپتە قىزىقتى اسەرلى ەستەلىكتەر قالدى. وندا دا جاقسى وقىعان بولاتىنبىز. مۇندا مۇۇمكىندىكتەر كوپ»
شىمكەنتتە جىلدان-جىلعا وقۋشى سانى ارتىپ كەلەدى. قازىر قالادا 233 مىڭنان اسا وقۋشى وقيتىن 203 مەكتەپ بار. بيىلعى وقۋ جىلىن قالا مەكتەپتەرى 233 879 وقۋشىمەن باستاعالى وتىر. وتكەن جىلمەن سالىستىرعاندا 8 مىڭ وقۋشىعا كوپ. ونىڭ ىشىندە 25 مىڭ وقۋشى العاش رەت مەكتەپ تابالدىرىعىن اتتادى.
باحادىر نارىمبەتوۆ شىمكەنت قالاسى ءماسليحاتىنىڭ حاتشىسى: 8970 بولاشاعىن ويلاعان مەملەكەت الدىمەن جاستاردىڭ بىلىمىنە كوڭىل بولەدى. ءبىلىم ساپاسىن كوتەرۋ ۇستازداردىڭ قولىندا بولسا، جاعداي جاساۋ بيلىكتىڭ قۇزىرەتىندە...
قوناقتار جاڭا مەكتەپكە كىرىپ، ونداعى سىنىپ بولمەلەرى مەن سپورت زالدى، اسحانانى ارالاپ كوردى. ءبىلىم ۇياسى وزگە مەتكەپتەردەن ەرەكشە جابدىقتالىپتى. سوڭعى ۇلگىدە بوي كوتەرگەن عيماراتتا وسكەلەڭ ۇرپاقتىڭ ءبىلىم الۋىنا قاجەتتى بارلىق جاعداي جاسالعان.
م.رىسباەۆا
