Bilim kúninde Shymkentte 3 jańa mektep oqýshylarǵa esigin aıqara ashty. Solardyń biri apatty jaǵdaıdaǵy ǵımarattyń ornyna salynǵan Nızamhan atyndaǵy jalpy orta mektep. Zamana talabyna saı boı kótergen bilim uıasynda búgin alǵashqy qońyraý soǵyldy. 1 synyp oqýshylary úshin uıymdastyrylǵan merekelik shara barlyq sanıtarlyq talaptarǵa saı ótti.
Bul eski ǵımarattyń ornynan turǵyzylǵan jańa mektepte soǵylǵan alǵashqy qońyraý. Aınalasy 3 aı ishinde salynǵan bilim uıasy búgin esigin aıqara ashty. 2 myń oqýshyǵa laıyqtalǵan "Nızamhan "orta mektebiniń" ǵımaraty erekshe dızaınmen árlengen. Osyǵan deıin qysta jylymaıtyn sapasy syn kótermeıtin eski ǵımaratta oqyp kelgen shákirtterdiń qýanyshynda shek joq.
Tileýjan Jumataıqyzy, oqýshy: 9028 00-05-20 «Buryn eski mektepte qyzyqty áserli estelikter qaldy. Onda da jaqsy oqyǵan bolatynbyz. Munda múumkindikter kóp»
Shymkentte jyldan-jylǵa oqýshy sany artyp keledi. Qazir qalada 233 myńnan asa oqýshy oqıtyn 203 mektep bar. Bıylǵy oqý jylyn qala mektepteri 233 879 oqýshymen bastaǵaly otyr. Ótken jylmen salystyrǵanda 8 myń oqýshyǵa kóp. Onyń ishinde 25 myń oqýshy alǵash ret mektep tabaldyryǵyn attady.
Bahadyr Narymbetov Shymkent qalasy máslıhatynyń hatshysy: 8970 Bolashaǵyn oılaǵan memleket aldymen jastardyń bilimine kóńil bóledi. Bilim sapasyn kóterý ustazdardyń qolynda bolsa, jaǵdaı jasaý bıliktiń quzyretinde...
Qonaqtar jańa mektepke kirip, ondaǵy synyp bólmeleri men sport zaldy, ashanany aralap kórdi. Bilim uıasy ózge metkepterden erekshe jabdyqtalypty. Sońǵy úlgide boı kótergen ǵımaratta óskeleń urpaqtyń bilim alýyna qajetti barlyq jaǵdaı jasalǵan.
M.Rysbaeva
