قازاقستان تاۋەلسىزدىك العاننان بەرى 30 جىل ۋاقىت ءوتتى. تاۋەلسىز ەل بولساق تا، قوستاناي وبلىسىنداعى 3 اۋىل 30 جىل بويى اۋىز سۋسىز ءومىر ءسۇرىپ كەلە جاتىر. سونداي-اق، 220 اۋىل سۋدى كەزەكپەن الادى، دەپ حابارلايدى “ادىرنا” ۇلتتىق پورتالى.
كورشىلەس اقمولا وبلىسىنان تەمىرجول ارقىلى جەتكىزىلەدى ەكەن. بيىل عانا سۋسىز كۇن كورىپ كەلە جاتقان ەلدى-مەكەندەردى سۋمەن قامتاماسىز ەتۋ جوباسى دۇنيەگە كەلگەن. الايدا ونى جۇزەگە اسىرۋ ءۇشىن 500 ملن تەڭگە قاراجات قاجەت. مەردىگەر بۇل سومانىڭ بەستەن ءبىرىن عانا يگەرگەن. اۋداندىق اكىمدىك قاراجات جاعىنان ماسەلەلەر بار ەكەنىن ءتۇسىندىردى.
بۇل اۋىلدا بۇگىنگى تاڭدا 2000-عا جۋىق تۇرعىن بار. كوبى سۋ تاپشىلىعىنان قيىندىق كورىپ كوشىپ كەتكەن. ادامدار كەزەككە تۇرىپ سۋ الادى.
“ سۋعا كەلىپ تۇرمىن. ۇيدە جوق. ەسىگىن قاقسام جابىق. اراسىنا ساعات سالىپ بەرەدى. تاڭەرتەڭ بىرنەشە ساعات، كەشكە بىرنەشە. جۇمىسقا دا ۇلگەرمەي قالاتىن ۋاقىتتار بولادى. قيىن...”،- دەدى تروەبراتسكوە اۋىلىنىڭ تۇرعىنى موسكۆين.
اۋىل تۇرعىنىنىڭ سوزىنشە، جازدا اسا قاتتى قيىنشىلىق تۋىندامايدى. الايدا، قىستا قيىن. اكىمدىكتەگىلەر بيىل بۇل ماسەلە شەشىلەدى دەپ ۋادە ەتۋدە. جوبا 2 جىلعا سوزىلادى.
بۇل ارادا قوستاناي وبلىسىنىڭ باسقا ەلدى مەكەندەرىن سۋمەن قامتاماسىز ەتۋدە دە پروبلەمالار بار. ەكى جىل ىشىندە وبلىس بيلىگى 46 مىڭنان استام ادام تۇراتىن 220 اۋىلدا يمپورتتالاتىن سۋعا مودۋلدىك تاراتۋ نۇكتەلەرىن ورناتۋدى جوسپارلاپ وتىر. ال ەگەر جوبا جۇزەگە اساتىن بولسا، وندا اۋىل تۇرعىندارىنىڭ 82%-ى ساپالى اۋىز سۋمەن قامتاماسىز ەتىلەدى.
“ادىرنا” ۇلتتىق پورتالى
