قوستانايدا ايۋ تالاعان قىز جانساقتاۋ بولىمىندە جاتىر

649

قوستاناي وبلىسىنىڭ دەنساۋلىق ساقتاۋ باسقارماسى ايۋ تىستەپ العان قىزدىڭ جاعدايى اۋىر ەكەنىن ايتتى. بالا جان ساقتاۋ بولىمىندە جاتىر، دەپ حابارلايدى "ادىرنا" ۇلتتىق پورتالى zakon.kz سايتىنا سىلتەمە جاساپ

- بۇگىن بەينەبايلانىس ارقىلى قان-تامىرلارى حيرۋرگى، تراۆماتولوگتار مەن حيرۋرگتاردىڭ قاتىسۋىمەن كەڭەيتىلگەن كەڭەسى ءوتتى. دەنساۋلىق ساقتاۋ مينيسترلىگىنىڭ باس شتاتتان تىس تراۆماتولوگ دارىگەرى دە كەڭەسكە قاتىستى. ماماندار ناۋقاستى ەمدەۋدىڭ ارى ءارى قارايعى تاسىلدەرىن تالقىلادى.

- قازىرگى ۋاقىتتا قىز وكپەنى جاساندى جەلدەتۋ اپپاراتىنا قوسىلىپ، ءدارى-دارمەكتىڭ كومەگىمەن ۇيقىدا جاتىر. ماماندار، ازىرگە ەشقانداي بولجام ايتپايدى، - دەپ حابارلايدى قوستاناي وبلىسىنىڭ دەنساۋلىق ساقتاۋ باسقارماسى.

ەسكە سالايىق، وقىس وقيعا  5 قىركۇيەكتە قوستاناي وبلىسىنداعى "رادۋگا" دەمالىس ورتالىعىندا بولعان. بەس جاسار ءبۇلدىرشىن دەمالىس بازاسىندا تورداعى ايۋدى تاماقتاندىرامىن دەپ جىرتقىشتىڭ تىرناعىنا ىلىنگەن. سالدارىنان ءبۇلدىرشىن اۋىر جاراقات الىپ، وبلىستىق بالالار اۋرۋحاناسىنىڭ جانساقتاۋ بولىمىنە جەتكىزگەن. دارىگەرلەر ناۋقاستىڭ اياعىنا وپەراتسيا جاسادى. ايۋدىڭ ءتىسى قاتتى باتقاندىقتان، قىز بالانىڭ سۇيەكتەرى سىنعان. پوليتسيا "دەنساۋلىققا ابايسىزدا زيان كەلتىرۋ" بابى بويىنشا تەرگەۋ باستادى.

"ادىرنا" ۇلتتىق پورتالى

پىكىرلەر
ۇقساس جاڭالىقتار