شىمكەنتتە قازاقستان مەن وزبەكستان اراسىنداعى ديپلوماتيالىق بايلانىستىڭ 30 جىلدىعىنا وراي كونفەرەنتسيا ءوتتى

2307
Adyrna.kz Telegram

شىمكەنت قالاسىنداعى م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە قازاقستان جانە وزبەكستان اراسىنداعى ديپلوماتيالىق بايلانىستىڭ 30 جىلدىعىنا وراي «شىنايى باۋىرلاستىققا نەگىزدەلگەن دوستىق پەن تۋىستىق ديپلوماتياسى» تاقىرىبىندا حالىقارالىق كونفەرەنتسيا ءوتتى. بۇل تۋرالى شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان Facebook پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.

وتكىزىلگەن ءىس- شارانىڭ ماقساتى – قازاقستان حالقى اسسامبلەياسى مەن وزبەكستان رەسپۋبليكاسى مينيسترلەر كابينەتى جانىنداعى ۇلتارالىق قاتىناستار جانە شەت ەلدەرمەن دوستىق بايلانىستار كوميتەتى اراسىندا تۇزىلگەن مەموراندۋم اياسىندا باۋىرلاس ەلدەر اراسىنداعى ءوزارا ىنتىماقتاستىقتى ارتتىرۋ جانە بىرلەسكەن مادەني جوبالاردى ىسكە اسىرۋ.

ال جيىنعا قازاقستان حالقى اسسامبلەياسى توراعاسىنىڭ ورىنباسارى تاۋفيك كاريموۆ، قر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتى توراعاسىنىڭ ورىنباسارى ەركىن ۇيسىمباەۆ ارنايى كەلدى.


سونىمەن قاتار،  وزبەكستاننىڭ مينيسترلەر كابينەتى جانىنداعى ەتنوسارالىق قاتىناستار جانە شەت ەلدەرمەن دوستىق بايلانىستار كوميتەتى توراعاسىنىڭ ورىنباسارى زافار شافكاتوۆيچ احمەدوۆ باستاعان 14 وزبەكستاندىق دەلەگاتسيا مۇشەلەرى كەلىپ قاتىسىپ، مازمۇندى باياندامالار جاسادى.

بۇدان بولەك، كونفەرەنتسياعا تۇركىستان مەن جامبىل وبلىستارى جانە شىمكەنت قالاسىنان زيالى قاۋىم وكىلدەرى قاتىستى.

ادىرنا” ۇلتتىق پورتالى

پىكىرلەر