«شىمكەنت قالاسىنىڭ اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ وتىرىسى ءوتتى»

2505
Adyrna.kz Telegram

2021 جىلعى 30 قىركۇيەك كۇنى شىمكەنت قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ توراعاسى، اكىمنىڭ ءبىرىنشى ورىنباسارى مۇقان شىڭعىس جۇمابەكۇلىنىڭ باسشىلىعىمەن قۇزىرلى مەملەكەتتىك ورگاندار باسشىلارى جانە جەرگىلىكتى ۇكىمەتتىك ەمەس ۇيىمدار جەتەكشىلەرىنىڭ قاتىسۋىمەن كوميسسيا وتىرىسى وتكىزىلدى.

وڭىرلىك كوميسسيا مۇشەلەرى باستاپقىدا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ وتىرىسىنا بەينە-كونفەرەنتس بايلانىسى ارقىلى قاتىستى. وندا كۇن تارتىبىنە سايكەس «وتباسىنداعى زورلىق-زومبىلىقسىز قازاقستان» جوباسىنىڭ 5 وڭىردە (نۇر-سۇلتان، شىمكەنت قالالارى جانە الماتى، ماڭعىستاۋ، شىعىس قازاقستان وبلىستارى) ىسكە اسىرىلۋى تۋرالى ماسەلەلەر تالقىلاندى.
سونداي-اق، كوميسسيا وتىرىسى بارىسىندا «قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىن» ىسكە اسىرۋ بويىنشا بىرقاتار ماسەلەلەر قاراستىرىلدى.
ونىڭ ىشىندە، بەكىتىلگەن جوسپارعا سايكەس «بالاسىز وتباسىلاردى مەملەكەتتىك قولداۋ تۋرالى» («اڭساعان ءسابي» ارناۋلى باعدارلاماسى، ەكستراكورپورالدى ۇرىقتاندىرۋ بويىنشا كۆوتالار) دەنساۋلىق ساقتاۋ باسقارماسىنىڭ، «جالپى ءبىلىم بەرەتىن پاندەردىڭ مازمۇنىنداعى رەپرودۋكتيۆتى تاربيە مەن ءبىلىم بەرۋ ماسەلەسى تۋرالى» (از قامتىلعان جانە ءساتسىز وتباسىلارداعى بالالاردىڭ تاربيەسى، جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋدا مەملەكەتتىك ورگاندار مەن قوعامداستىقتىڭ قارىم قاتىناسىن ارتتىرۋ جۇمىستارى تۋرالى) ءبىلىم باسقارماسىنىڭ، «قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسىنىڭ ەڭبەكشى اۋدانىندا ورىندالۋ بارىسى تۋرالى» ەڭبەكشى اۋدانى اكىمىنىڭ ورىنباسارى، اۋداندىق كوميسسيا توراعاسىنىڭ جانە «وتباسىلىق قۇندىلىقتاردى نىعايتۋ، تۇرمىستىق زورلىق-زومبىلىقتىڭ پروفيلاكتيكاسى جانە رەپرودۋكتيۆتى دەنساۋلىقتى ساقتاۋ ماسەلەلەرىن تۇرعىندار اراسىندا ىلگەرىلەتۋ بويىنشا ءدىني بىرلەستىكتەرمەن جۇمىس تۋرالى» ءدىن ىستەرى باسقارماسى باسشىلارىنىڭ اتقارىلعان جۇمىستار تۋرالى باياندامالارى تىڭدالىپ، وزەكتى ماسەلەلەر تالقىلانىپ، شەشۋ جولدارى قاراستىرىلدى.
قورىتىندىسى بويىنشا شىمكەنت قالاسىنىڭ اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى وڭىرلىك كوميسسيا تاراپىنان ءتيىستى جۇمىستاردى جۇرگىزۋ بويىنشا بىرقاتار قۇزىرلى ورگاندارعا ۇسىنىستار بەرىلدى.

پىكىرلەر