2021 jylǵy 30 qyrkúıek kúni Shymkent qalasy ákimi janyndaǵy áıelder isteri jáne otbasylyq-demografııalyq saıasat jónindegi komıssııanyń tóraǵasy, ákimniń birinshi orynbasary Muqan Shyńǵys Jumabekulynyń basshylyǵymen quzyrly memlekettik organdar basshylary jáne jergilikti úkimettik emes uıymdar jetekshileriniń qatysýymen komıssııa otyrysy ótkizildi.
Óńirlik komıssııa músheleri bastapqyda Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysyna beıne-konferen baılanysy arqyly qatysty. Onda kún tártibine sáıkes «Otbasyndaǵy zorlyq-zombylyqsyz Qazaqstan» jobasynyń 5 óńirde (Nur-Sultan, Shymkent qalalary jáne Almaty, Mańǵystaý, Shyǵys Qazaqstan oblystary) iske asyrylýy týraly máseleler talqylandy.
Sondaı-aq, komıssııa otyrysy barysynda «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn» iske asyrý boıynsha birqatar máseleler qarastyryldy.
Onyń ishinde, bekitilgen josparǵa sáıkes «Balasyz otbasylardy memlekettik qoldaý týraly» («Ańsaǵan sábı» arnaýly baǵdarlamasy, ekstrakorporaldy uryqtandyrý boıynsha kvotalar) Densaýlyq saqtaý basqarmasynyń, «Jalpy bilim beretin pánderdiń mazmunyndaǵy reprodýktıvti tárbıe men bilim berý máselesi týraly» (Az qamtylǵan jáne sátsiz otbasylardaǵy balalardyń tárbıesi, jasóspirimder arasyndaǵy quqyq buzýshylyqtyń aldyn alýda memlekettik organdar men qoǵamdastyqtyń qarym qatynasyn arttyrý jumystary týraly) Bilim basqarmasynyń, «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń Eńbekshi aýdanynda oryndalý barysy týraly» Eńbekshi aýdany ákiminiń orynbasary, aýdandyq komıssııa tóraǵasynyń jáne «Otbasylyq qundylyqtardy nyǵaıtý, turmystyq zorlyq-zombylyqtyń profılaktıkasy jáne reprodýktıvti densaýlyqty saqtaý máselelerin turǵyndar arasynda ilgeriletý boıynsha dinı birlestiktermen jumys týraly» Din isteri basqarmasy basshylarynyń atqarylǵan jumystar týraly baıandamalary tyńdalyp, ózekti máseleler talqylanyp, sheshý joldary qarastyryldy.
Qorytyndysy boıynsha Shymkent qalasynyń ákimi janyndaǵy áıelder isteri jáne otbasylyq-demografııalyq saıasat jónindegi Óńirlik komıssııa tarapynan tıisti jumystardy júrgizý boıynsha birqatar quzyrly organdarǵa usynystar berildi.
