بۇگىن شىمكەنتتەگى شىمسيتي تۇرعىندارىنا تازا سۋ بەرىلدى. «لايقا سۋ ءىشىپ وتىرمىز» دەپ نارازىلانعىن بىلدىرگەن جۇرتشىلىققا تىرشىلىك ءنارى ەندى جاڭا سۋ قۇبىرىنان اجىراتىلىپ وتىر. جەرگىلىكتى بيلىك وكىلدەرى بۇگىن شاعىناۋدانعا بارىپ، حالىقتىڭ شاعىمىن تىڭدادى. جاڭا باسپانالارعا قونىستانعانىنا 3 جىل بولعان شىمسيتيلىكتەر اتقامىنەرلەردىڭ نازارىن قوردالانىپ قالعان تۇرعىن ءۇي كوممۋنالدىق شارۋاشىلىعىنا قاتىستى بىرقاتار ماسەلەلەرگە اۋداردى. شەنەۋنىكتەر جىلدار بويىنا سوزىلىپ كەلە جاتقان بۇل تۇيىتكىلدەردىڭ ءتۇيىنىن قاشان، قالاي تارقاتپاق؟
شىمسيتيلىكتەر جاڭا باسپانالارعا قونىستانعاندارىنا 3 جىل بولسا دا ساپالى اۋىز سۋعا جارىماي كەلدى. جۇرتشىلىق وسىعان دەيىن ۋاقىتشا سۋ قۇبىرىنان تىرشىلىك ءنارىن اجىراتىپ كەلگەن. سۋدىڭ تراسساسى اۋىستىرىلىپ قازىر تۇرعىندارعا تازا سۋ بەرىلە باستادى. اكىمدىكتەگىلەر جەرگىلىكتى حالىقتى ساپالى، ۇزدىكسىز اۋىزسۋمەن قامتۋ جۇمىستارى ءبىر اي بويىنا جالعاساتىنىن ايتادى.
بورانباي بولاتبەكوۆ شىمكەنت قالاسى ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى:
نۇرعالي قوسمۇراتوۆ، شىمكەنت قالاسى سۋ قۇبىرلارى جانە كاناليزاتسيا باسقارماسىنىڭ ديرەكتورى:
شاعىناۋدان تۇرعىندارى ءۇشىن قالا ورتالىعىنا قاتىناۋ دا قيىنعا ءتۇسىپ وتىر. كۇننەن-كۇنگە حالىق سانى ارتىپ وتىرعان ەلدىمەكەن تۇرعىندارىنىڭ كۇنى قازىر ءبىر عانا اۆتوبۋسقا قاراپ تۇر. ءتيىستى باسقارما وكىلدەرى قوسىمشا اۆتوبۋستاردى باعىتقا قوسىپ، بۇل ماسەلەنى دە رەتتەيمىز دەپ ۋادە ەتتى.
قوقىستىڭ دەر كەزىندە جينالماي، اينالانىڭ ءارىن قاشىراتىنى دا شىمسيتيلىكتىردىڭ شامىنا تيەدى. تۇرعىندار وسى اۋماقتىڭ تازالىعىنا بەكىتىلگەن كومپانياعا وكپەلەرى قارا قازانداي. ۇيىلگەن كۇل-قوقىستى ۋاقىتىلى شىعارمايدى، جازدا قولاڭسى يىستەن دەمالۋ مۇڭعا اينالادى دەيدى مۇنداعىلار.
اقمارال جانتاەۆا، قالا تۇرعىنى
ابزال الىقۇلوۆ قاراتاۋ اۋدانىنىڭ اكىمى: جۇمىس ىستەسەڭدەر ىستەڭدەر ءبىر اپتا ۋاقىت سەندەرگە....
قولدانىسقا بەرىلگەنىنە نەبارى 3 جىل بولعان جاڭا ۇيلەردىڭ ساپاسى الدەن-اق سىر بەرە باستاپتى. قابىرعالار قاق ايىرىلىپ، ەسىك-تەرەزەدەن جەل ۋىلدەيدى دەيدى تۇرعىندار. كوپشىلىك كوپتەن بەرى كوكەيلەرىندە جۇرگەن بۇل ماسەلەنى دە ىركىپ قالمادى.شىمسيتيلىكتەردىڭ شاعىمىنا قۇلاق تۇرۋگە كەلگەن قۇرىلىس باسقارماسىنىڭ وكىلدەرى مەردىگەرلەردى ولقىلىقتاردى ورنىنا كەلتىرۋگە مىندەتتەيمىز دەيدى.
گۇلميرا ەسمۇحانبەتوۆا،قالا تۇرعىنى
باعلان كۇزدەۋباەۆ شىمكەنت قالاسى قۇرىلىس باسقارماسى باسشىسىنىڭ ورىنباسارى
پاتەر قوجايىندارىنا كوپتەن بەرى ۇستاتپاي جۇرگەن مەردىگەرلەر دە وسىندا كەلدى. تۇرعىندار ولارعا قۇرىلىس كەزىندە كەتكەن كەمشىلىكتەردى ءتىزىپ بەردى. وسىعان دەيىن دە ولقىلىقتاردى ورنىنا كەلتىرگەنبىز دەگەن قۇرىلىسشىلار 5 جىل مەرزىم ىشىندە ىشىندە بارلىق اقاۋلاردى رەتتەيمىز دەيدى.
جانعالي بايباتىروۆ مەردىگەر كومپانيانىڭ وكىلى
قىسقاسى، بۇل جولى وسىعان دەيىن دە قۇر ۋادەمەن الداۋسىراتىپ كەلگەن اكىمدىكتەگىلەرگە اشۋعا بۋلىققان كوپشىلىكتى ساباسىنا ءتۇسىرۋ وڭاي بولمادى. 38 كوپقاباتتى تۇرعىن ءۇيى بار شاعىناۋدان ماسەلەسى شاش ەتەكتەن. شەنەۋنىكتەر شىمسيتيلىكتەردىڭ تالاپ—تىلەكتەرىن ءجىتى تىڭدادى. ەندى تۇرعىندار شاعىمىنا بايلانىستى ارنايى كوميسسيا قۇرىلاتىن بولدى. جۇمىسشى توپ 2 مىعا جۋىق تۇرعىنى بار شىمسيتي شاعىناۋدانىنداعى بارلىق تۇيىتكىلدەردى انىقتاپ، شەشىمىن شىعارادى.
