Búgin Shymkenttegi Shymsıtı turǵyndaryna taza sý berildi. «Laıqa sý iship otyrmyz» dep narazylanǵyn bildirgen jurtshylyqqa tirshilik nári endi jańa sý qubyrynan ajyratylyp otyr. Jergilikti bılik ókilderi búgin shaǵynaýdanǵa baryp, halyqtyń shaǵymyn tyńdady. Jańa baspanalarǵa qonystanǵanyna 3 jyl bolǵan shymsıtılikter atqaminerlerdiń nazaryn qordalanyp qalǵan turǵyn úı kommýnaldyq sharýashylyǵyna qatysty birqatar máselelerge aýdardy. Sheneýnikter jyldar boıyna sozylyp kele jatqan bul túıitkilderdiń túıinin qashan, qalaı tarqatpaq?
Shymsıtılikter jańa baspanalarǵa qonystanǵandaryna 3 jyl bolsa da sapaly aýyz sýǵa jarymaı keldi. Jurtshylyq osyǵan deıin ýaqytsha sý qubyrynan tirshilik nárin ajyratyp kelgen. Sýdyń trassasy aýystyrylyp qazir turǵyndarǵa taza sý berile bastady. Ákimdiktegiler jergilikti halyqty sapaly, úzdiksiz aýyzsýmen qamtý jumystary bir aı boıyna jalǵasatynyn aıtady.
Boranbaı Bolatbekov Shymkent qalasy energetıka jáne ınfraqurylymdy damytý basqarmasynyń basshysy:
Nurǵalı Qosmuratov, Shymkent qalasy sý qubyrlary jáne kanalızaııa basqarmasynyń dırektory:
Shaǵynaýdan turǵyndary úshin qala ortalyǵyna qatynaý da qıynǵa túsip otyr. Kúnnen-kúnge halyq sany artyp otyrǵan eldimeken turǵyndarynyń kúni qazir bir ǵana avtobýsqa qarap tur. Tıisti basqarma ókilderi qosymsha avtobýstardy baǵytqa qosyp, bul máseleni de retteımiz dep ýáde etti.
Qoqystyń der kezinde jınalmaı, aınalanyń árin qashyratyny da shymsıtıliktirdiń shamyna tıedi. Turǵyndar osy aýmaqtyń tazalyǵyna bekitilgen kompanııaǵa ókpeleri qara qazandaı. Úıilgen kúl-qoqysty ýaqytyly shyǵarmaıdy, jazda qolańsy ıisten demalý muńǵa aınalady deıdi mundaǵylar.
Aqmaral Jantaeva, qala turǵyny
Abzal Áliqulov Qarataý aýdanynyń ákimi: Jumys isteseńder isteńder bir apta ýaqyt senderge....
Qoldanysqa berilgenine nebári 3 jyl bolǵan jańa úılerdiń sapasy álden-aq syr bere bastapty. Qabyrǵalar qaq aıyrylyp, esik-terezeden jel ýildeıdi deıdi turǵyndar. Kópshilik kópten beri kókeılerinde júrgen bul máseleni de irkip qalmady.Shymsıtılikterdiń shaǵymyna qulaq túrýge kelgen qurylys basqarmasynyń ókilderi merdigerlerdi olqylyqtardy ornyna keltirýge mindetteımiz deıdi.
Gúlmıra Esmuhanbetova,qala turǵyny
Baǵlan Kúzdeýbaev Shymkent qalasy qurylys basqarmasy basshysynyń orynbasary
Páter qojaıyndaryna kópten beri ustatpaı júrgen merdigerler de osynda keldi. Turǵyndar olarǵa qurylys kezinde ketken kemshilikterdi tizip berdi. Osyǵan deıin de olqylyqtardy ornyna keltirgenbiz degen qurylysshylar 5 jyl merzim ishinde ishinde barlyq aqaýlardy retteımiz deıdi.
Janǵalı Baıbatyrov merdiger kompanııanyń ókili
Qysqasy, bul joly osyǵan deıin de qur ýádemen aldaýsyratyp kelgen ákimdiktegilerge ashýǵa býlyqqan kópshilikti sabasyna túsirý ońaı bolmady. 38 kópqabatty turǵyn úıi bar shaǵynaýdan máselesi shash etekten. Sheneýnikter shymsıtılikterdiń talap—tilekterin jiti tyńdady. Endi turǵyndar shaǵymyna baılanysty arnaıy komıssııa qurylatyn boldy. Jumysshy top 2 myǵa jýyq turǵyny bar Shymsıtı shaǵynaýdanyndaǵy barlyq túıitkilderdi anyqtap, sheshimin shyǵarady.
