قازاقستان جاس وتباسىلاردىڭ اجىراسۋ كورسەتكىشىنەن ازيا ەلدەرىنىڭ الدىڭعى قاتارىندا. بۇل قوعامنىڭ وزەكتى ماسەلەسى بولىپ تۇر. وتان وتباسىدان باستالادى. جانۇياداعى تاربيە مەملەكەتتىڭ كەلەشەگىنە ىقپال ەتپەك. شىمكەنتكە قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ارنايى ىسساپارمەن كەلدى. ءلاززات رامازانوۆا قالا اكىمدىگىندە قوعام وكىلدەرىمەن كەزدەسىپ وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ ماسەلەسىن تالقىلادى.
مەملەكەت باسشىسى ايەل مەن بالالاردىڭ قۇقىعىن قورعاۋ ماسەلەسىن ءجىتى نازارعا الىپ وتىر. وتباسىنداعى زورلىق-زومبىلىقتى بولدىرماۋ ماقساتىندا ازاماتتىق قاۋىمداستىقتارمەن تالقىلاۋ جۇرگىزۋ كەرەكتىگىن قاداپ ايتقان بولاتىن. وسىعان وراي شىمكەنتكە ارنايى ىسساپارمەن كەلگەن قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى لاززات رامازانوۆا قوعام وكىلدەرىمەن كەزدەستى.
سپيكەر: ءلاززات رامازانوۆا - قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى
بار ماقساتىمىز پرەزيدەنتتىڭ الدىنا قويىلعان تاپسىرما. ءار ءوڭىردىڭ ءوز پروبلەماسى بار. سونىمەن بىرگە بارىمىزگە ورتاق دۇنيە وتباسىنىڭ اماندىعى
«وتباسى مەكتەبى» وتباسىلىق قۇندىلىقتارىن نىعايتۋ» جوباسى اياسىندا وتكەن كەزدەسۋگە قالا اكىمىنىڭ ءبىرىنشى ورىنباسارى شىڭعىس مۇقان جانە جەرگىلىكتى اتقارۋشى ورگانداردىڭ باسشىلارى ارنايى قاتىستى. سونىمەن قاتار قالالىق ءماسليحات دەپۋتاتتارى، جەرگىلىكتى پوليتسيا قىزمەتكەرلەرى، داعدارىس ورتالىقتارى مەن بەلسەندى ۇكىمەتتىك ەمەس ۇيىمداردىڭ وكىلدەرىدە جيىنعا كەلدى. قالا اكىمىنىڭ ءبىرىنشى ورىنباسارى بۇل جيىننىڭ ماڭىزدىلىعىن اتاپ ءوتتى.
شىڭعىس مۇقان – شىمكەنت قالاسى اكىمىنىڭ ءبىرىنشى ورىنباسارى
قوعام اراسىندا كەڭىنەن تالقىلاۋ جۇرگىزىپ قوعامنىڭ پىكىرىن ەسكەرۋدى اتاپ وتكەن بولاتىن.
وتباسىنداعى اتا-انانىڭ ءرولى، قوعاممەن بايلانىس، وتباسى ينستيتۋتىن نىعايتۋعا باعىتتالعان زاڭ نورمالارىن جەتىلدىرۋ ماسەلەسىن تالقىلاندى. سونىمەن قاتار، جيىنعا قاتىسقان رەسپۋبليكالىق اكەلەر وداعى قوعامدىق بىرلەستىگىنىڭ توراعاسى ماقسۇتبەك ايتماعانبەت قوعامنىڭ وزەكتى ماسەلەلەرىنە توقتالدى. سونىڭ ءبىرى وتباسىلارداعى نەكە بۇزىلۋى. قازاقستان اجىراسۋ كورسەتكەشىنەن ازيا ەلدەرىن باسىپ وزىپ، شىعىس ەۆروپامەن يىق تىرەسىپ قالعان.
ماقسۇتبەك ايتماعانبەت - رەسپۋبليكالىق اكەلەر وداعى قوعامدىق بىرلەستىگىنىڭ توراعاسى
رەسەيدە 4,7 بەلورۋسيادى 3,4 ۋكراينادا 3,1 ليتۆا 3 اقش تا 2 سول جاقتان بولىپ تۇر
سونداي اق جيىندا Street Law Kazakhstan باعدارلاماسىنىڭ ترەنەرى، زاڭگەر مەدەت ۋسەروۆ، «اتامەكەن» ۇكپ ىسكەر ايەلدەر كەڭەسىنىڭ مۇشەسى ايجان مۇقاتاەۆا، تەلەدارىگەر، ەندوكرينولوگ، anti-age ەكسپەرت گۇلجان امانباي ءوز ويلارىمەن ءبولىستى. سانالى وتباسى جانە اكەنىڭ بالا تاربيەسىنە ارالاسۋى، پسيحولوگيالىق ماسەلەلەر تاقىرىبىندا پىكىرلەرىن ءبىلدىردى. كەزدەسۋ سوڭىندا «تۇرمىستىق زورلىق-زومبىلىققا قارسى ءىس-قيمىل تۋرالى» قر زاڭىنىڭ جوباسى تالقىلانىپ، ۇسىنىستار جيناقتالدى.
ك. دۇيسەنبى
