Qazaqstan jas otbasylardyń ajyrasý kórsetkishinen Azııa elderiniń aldyńǵy qatarynda. Bul qoǵamnyń ózekti máselesi bolyp tur. Otan otbasydan bastalady. Januıadaǵy tárbıe memlekettiń keleshegine yqpal etpek. Shymkentke QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy arnaıy issaparmen keldi. Lázzat Ramazanova qala ákimdiginde qoǵam ókilderimen kezdesip otbasy ınstıtýtyn nyǵaıtý jáne turmystyq zorlyq-zombylyqtyń aldyn alý máselesin talqylady.
Memleket basshysy áıel men balalardyń quqyǵyn qorǵaý máselesin jiti nazarǵa alyp otyr. Otbasyndaǵy zorlyq-zombylyqty boldyrmaý maqsatynda azamattyq qaýymdastyqtarmen talqylaý júrgizý kerektigin qadap aıtqan bolatyn. Osyǵan oraı Shymkentke arnaıy issaparmen kelgen QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lazzat Ramazanova qoǵam ókilderimen kezdesti.
Spıker: Lázzat Ramazanova - QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy
Bar maqsatymyz prezıdenttiń aldyna qoıylǵan tapsyrma. Ár óńirdiń óz problemasy bar. Sonymen birge bárimizge ortaq dúnıe otbasynyń amandyǵy
«Otbasy mektebi» otbasylyq qundylyqtaryn nyǵaıtý» jobasy aıasynda ótken kezdesýge qala ákiminiń birinshi orynbasary Shyńǵys Muqan jáne jergilikti atqarýshy organdardyń basshylary arnaıy qatysty. Sonymen qatar qalalyq máslıhat depýtattary, jergilikti polıııa qyzmetkerleri, daǵdarys ortalyqtary men belsendi úkimettik emes uıymdardyń ókilderide jıynǵa keldi. Qala ákiminiń birinshi orynbasary bul jıynnyń mańyzdylyǵyn atap ótti.
Shyńǵys Muqan – Shymkent qalasy ákiminiń birinshi orynbasary
Qoǵam arasynda keńinen talqylaý júrgizip qoǵamnyń pikirin eskerýdi atap ótken bolatyn.
Otbasyndaǵy ata-ananyń róli, qoǵammen baılanys, otbasy ınstıtýtyn nyǵaıtýǵa baǵyttalǵan zań normalaryn jetildirý máselesin talqylandy. Sonymen qatar, jıynǵa qatysqan Respýblıkalyq Ákeler odaǵy qoǵamdyq birlestiginiń tóraǵasy Maqsutbek Aıtmaǵanbet qoǵamnyń ózekti máselelerine toqtaldy. Sonyń biri otbasylardaǵy neke buzylýy. Qazaqstan ajyrasý kórsetkeshinen azııa elderin basyp ozyp, shyǵys evropamen ıyq tiresip qalǵan.
Maqsutbek Aıtmaǵanbet - Respýblıkalyq Ákeler odaǵy qoǵamdyq birlestiginiń tóraǵasy
Reseıde 4,7 Belorýsııady 3,4 Ýkraınada 3,1 Lıtva 3 AQSh ta 2 sol jaqtan bolyp tur
Sondaı aq jıynda Street Law Kazakhstan baǵdarlamasynyń treneri, zańger Medet Ýserov, «Atameken» UKP Isker áıelder keńesiniń múshesi Aıjan Muqataeva, teledáriger, endokrınolog, anti-age ekspert Gúljan Amanbaı óz oılarymen bólisti. Sanaly otbasy jáne ákeniń bala tárbıesine aralasýy, psıhologııalyq máseleler taqyrybynda pikirlerin bildirdi. Kezdesý sońynda «Turmystyq zorlyq-zombylyqqa qarsy is-qımyl týraly» QR Zańynyń jobasy talqylanyp, usynystar jınaqtaldy.
K. Dúısenbi
