Qazaqstan jas otbasylardyŋ ajyrasu körsetkışınen Aziia elderınıŋ aldyŋǧy qatarynda. Būl qoǧamnyŋ özektı mäselesı bolyp tūr. Otan otbasydan bastalady. Janūiadaǧy tärbie memlekettıŋ keleşegıne yqpal etpek. Şymkentke QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy arnaiy ıssaparmen keldı. Läzzat Ramazanova qala äkımdıgınde qoǧam ökılderımen kezdesıp otbasy institutyn nyǧaitu jäne tūrmystyq zorlyq-zombylyqtyŋ aldyn alu mäselesın talqylady.
Memleket basşysy äiel men balalardyŋ qūqyǧyn qorǧau mäselesın jıtı nazarǧa alyp otyr. Otbasyndaǧy zorlyq-zombylyqty boldyrmau maqsatynda azamattyq qauymdastyqtarmen talqylau jürgızu kerektıgın qadap aitqan bolatyn. Osyǧan orai Şymkentke arnaiy ıssaparmen kelgen QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy Lazzat Ramazanova qoǧam ökılderımen kezdestı.
Spiker: Läzzat Ramazanova - QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy
Bar maqsatymyz prezidenttıŋ aldyna qoiylǧan tapsyrma. Är öŋırdıŋ öz problemasy bar. Sonymen bırge bärımızge ortaq dünie otbasynyŋ amandyǧy
«Otbasy mektebı» otbasylyq qūndylyqtaryn nyǧaitu» jobasy aiasynda ötken kezdesuge qala äkımınıŋ bırınşı orynbasary Şyŋǧys Mūqan jäne jergılıktı atqaruşy organdardyŋ basşylary arnaiy qatysty. Sonymen qatar qalalyq mäslihat deputattary, jergılıktı polisiia qyzmetkerlerı, daǧdarys ortalyqtary men belsendı ükımettık emes ūiymdardyŋ ökılderıde jiynǧa keldı. Qala äkımınıŋ bırınşı orynbasary būl jiynnyŋ maŋyzdylyǧyn atap öttı.
Şyŋǧys Mūqan – Şymkent qalasy äkımınıŋ bırınşı orynbasary
Qoǧam arasynda keŋınen talqylau jürgızıp qoǧamnyŋ pıkırın eskerudı atap ötken bolatyn.
Otbasyndaǧy ata-ananyŋ rölı, qoǧammen bailanys, otbasy institutyn nyǧaituǧa baǧyttalǧan zaŋ normalaryn jetıldıru mäselesın talqylandy. Sonymen qatar, jiynǧa qatysqan Respublikalyq Äkeler odaǧy qoǧamdyq bırlestıgınıŋ töraǧasy Maqsūtbek Aitmaǧanbet qoǧamnyŋ özektı mäselelerıne toqtaldy. Sonyŋ bırı otbasylardaǧy neke būzyluy. Qazaqstan ajyrasu körsetkeşınen aziia elderın basyp ozyp, şyǧys evropamen iyq tıresıp qalǧan.
Maqsūtbek Aitmaǧanbet - Respublikalyq Äkeler odaǧy qoǧamdyq bırlestıgınıŋ töraǧasy
Reseide 4,7 Belorusiiady 3,4 Ukrainada 3,1 Litva 3 AQŞ ta 2 sol jaqtan bolyp tūr
Sondai aq jiynda Street Law Kazakhstan baǧdarlamasynyŋ trenerı, zaŋger Medet Userov, «Atameken» ŪKP Isker äielder keŋesınıŋ müşesı Aijan Mūqataeva, teledärıger, endokrinolog, anti-age ekspert Güljan Amanbai öz oilarymen bölıstı. Sanaly otbasy jäne äkenıŋ bala tärbiesıne aralasuy, psihologiialyq mäseleler taqyrybynda pıkırlerın bıldırdı. Kezdesu soŋynda «Tūrmystyq zorlyq-zombylyqqa qarsy ıs-qimyl turaly» QR Zaŋynyŋ jobasy talqylanyp, ūsynystar jinaqtaldy.
K. Düisenbı
