شىمكەنتتە تاۋەلسىزدىكتىڭ 30 جىلدىعىنا وراي 2 مىڭنان استام وتباسى قونىس تويىن تويلايدى

1492
Adyrna.kz Telegram

ەل تاۋەلسىزدىگىنىڭ 30 جىلدىعىنا وراي شىمكەنتتە 2 مىڭنان استام وتباسى پاتەرلى بولادى. بۇل تۋرالى بۇگىن ماڭىزدى بەلەسكە ارنالعان ءىس-شارالار قورىتىلعان جيىندا ءمالىم بولدى. ەگەمەندىكتىڭ مەرەيتويىنا ءۇشىنشى مەگاپوليستە بىرقاتار نىسان پايدالانۋعا بەرىلگەلى وتىر. ونىڭ ىشىندە 300 ادامدى جۇمىسپەن قامتۋعا قاۋقارلى ءتۇرلى ءوندىرىس ورىندارى مەن مەكتەپتەر بار.

شىمكەنتتە الداعى جارتىجىلدىقتا ەل تاۋەلسىزدىگىنىڭ 30 جىلدىعىنا وراي بىرقاتار الەۋمەتتىك ماڭىزى بار نىساندار قولدانىسقا بەرىلمەك.  جاڭا وقۋ جىلىندا قالادا سۋ جاڭا 4 مەكتەپ اشىلادى. قاراشا ايىندا 7 جاڭا ءوندىرىس ورنى ىسكە قوسىلىپ، 300 ادامدى جۇمىسپەن قامتىلعالى وتىر.  سونداي-اق جىل سوڭىنا قاراي 2 مىڭنان استام باسپانا پاتەر كەزەگىندە تۇرعان ءتۇرلى ساناتتاعى ازاماتتارعا بەرىلەدى.  بۇدان بولەك «بوزارىق»  قوسالقى  ستانساسىنىڭ اشىلۋى دا ماڭىزدى مەرەيتويعا ورايلاستىرىلىپ وتىر.  شاھاردا بيىلعى ءبىرىنشى جارتىجىلدىقتا تاۋەلسىزدىگىمىزدى ۇلىقتاعان ۇزىن سانى 162 ءىس-شارا وتكىزىلىپتى.

بەكسۇلتان ءادىلحانوۆ شىمكەنت قالاسى ىشكى ساياسات جانە جاستار ىستەرى جونىندەگى باسقارماسى باسشىسىنىڭ ورىنباسارى:«ونىڭ ىشىندە نەگىزگى اۋقىمدى جوبالارعا توقتالساق، «شىمقالا» ەتنواۋىلى مەن «قامال» تاريحي-مادەني كەشەنى اشىلىپ، ەل يگىلىگىنە بەرىلدى. بۇقارالىق سپورتتى دامىتۋ ماقساتىندا قالا اكىمىنىڭ باستاماسىمەن قازاقستاندا العاش رەت ءىى كەزەڭنەن تۇراتىن «شىمكەنت جاستار ليگاسى» جوباسى ۇيىمداستىرىلدى.»

ەل تاريحىنداعى ماڭىزدى بەلەستە شىمكەنتتىكتەر ءتۇرلى قايىرىمدىلىق شارالارىن ۇيىمداستىرىپ،  الەۋمەتتىك وسال توپقا قاراستى. مەملەكەت باسشىسىنىڭ باستاماسىمەن «قايىرىمدى ىستەر مارافونى» جالپىۇلتتىق جوباسى جاريالانا سالىپ، جەرگىلىكتى كاسىپكەرلەر بەلسەندىلىك تانىتتى. اكىمدىك پەن مەن قالا مەشىتتەرىنىڭ ۇيىمداستىرۋىمەن «رامازان – قايىرىمدىلىق ايى» اكتسياسى اياسىندا كۇنىنە 1000-عا جۋىق تۇرمىسى تومەن وتباسىعا ازىق-تۇلىك سەبەتتەرى تاراتىلدى. ودان بولەك،  ريددەر قالاسى لەسحوز كەنتىنىڭ زارداپ شەككەن تۇرعىندارىنا گۋمانيتارلىق جۇك تيەلگەن 3 كولىك جىبەرىلدى. وعان ازاماتتىق ۇيىمدار، ۆولونتەرلىق قوزعالىستار، ەتنومادەني بىرلەستىكتەر، كاسىپكەرلەر مەن ءماسليحات دەپۋتاتتارى جانە جاستار ۇيىمدارى جۇمىلدىرىلدى.

زاۋرە ورالباەۆا شىمكەنت قالاسى بويىنشا «رۋحاني جاڭعىرۋ» جوبالىق كەڭسەسىنىڭ مەڭگەرۋشىسى : جالپى، شىمكەنتتە تەك جوبا ءۇشىن ەمەس، ءوڭىرىمىزدىڭ جەكە ازاماتتارى ناۋقاس بالالارعا، بالالار ۇيلەرى مەن جالعىزىلىكتى انالارعا، تۇرمىسى تومەن وتباسىلارىنا قولداۋ كورسەتىپ، قولۇشىن بەرىپ جۇرگەن، ونىسىن جاريا ەتۋدەن اۋلاق ازامات كوپ. ولارعا دا العىسىمىز شەكسىز»

Nur Otanدىقتاردىڭ تاراپىنان قايىرىمدىلىق ءۇشىن بيىل 90 ملن تەڭگەنىڭ قارجىسى جينالىپ، حالىق يگىلىگىنە جۇمسالىپتى. جالپى رەيتينگتە كومەك قولىن سوزۋدان شىمقالا تۇرعىندارى نۇرسۇلتان قالاسى حالقىنان كەيىن ەكىنشى ورىندا ەكەن. مۇنداي يگى شارالار تاۋەلسىزدىك تويى جالعاساتىن كەلەسى جارتىجىلدىقتا دا قولعا الىنباق.

 

م.رىسباەۆا

پىكىرلەر