Shymkentte táýelsizdiktiń 30 jyldyǵyna oraı 2 myńnan astam otbasy qonys toıyn toılaıdy

1491
Adyrna.kz Telegram

El Táýelsizdiginiń 30 jyldyǵyna oraı Shymkentte 2 myńnan astam otbasy páterli bolady. Bul týraly búgin mańyzdy beleske arnalǵan is-sharalar qorytylǵan jıynda málim boldy. Egemendiktiń mereıtoıyna úshinshi megapolıste birqatar nysan paıdalanýǵa berilgeli otyr. Onyń ishinde 300 adamdy jumyspen qamtýǵa qaýqarly túrli óndiris oryndary men mektepter bar.

Shymkentte aldaǵy jartyjyldyqta el Táýelsizdiginiń 30 jyldyǵyna oraı birqatar áleýmettik mańyzy bar nysandar qoldanysqa berilmek.  Jańa oqý jylynda qalada sý jańa 4 mektep ashylady. Qarasha aıynda 7 jańa óndiris orny iske qosylyp, 300 adamdy jumyspen qamtylǵaly otyr.  Sondaı-aq jyl sońyna qaraı 2 myńnan astam baspana páter kezeginde turǵan túrli sanattaǵy azamattarǵa beriledi.  Budan bólek «Bozaryq»  qosalqy  stansasynyń ashylýy da mańyzdy mereıtoıǵa oraılastyrylyp otyr.  Shaharda bıylǵy birinshi jartyjyldyqta Táýelsizdigimizdi ulyqtaǵan uzyn sany 162 is-shara ótkizilipti.

Beksultan Ádilhanov Shymkent qalasy ishki saıasat jáne jastar isteri jónindegi basqarmasy basshysynyń orynbasary:«Onyń ishinde negizgi aýqymdy jobalarǵa toqtalsaq, «Shymqala» etnoaýyly men «Qamal» tarıhı-mádenı kesheni ashylyp, el ıgiligine berildi. Buqaralyq sportty damytý maqsatynda qala ákiminiń bastamasymen Qazaqstanda alǵash ret II kezeńnen turatyn «Shymkent jastar lıgasy» jobasy uıymdastyryldy.»

El tarıhyndaǵy mańyzdy beleste shymkenttikter túrli qaıyrymdylyq sharalaryn uıymdastyryp,  áleýmettik osal topqa qarasty. Memleket basshysynyń bastamasymen «Qaıyrymdy ister marafony» jalpyulttyq jobasy jarııalana salyp, jergilikti kásipkerler belsendilik tanytty. Ákimdik pen men qala meshitteriniń uıymdastyrýymen «Ramazan – qaıyrymdylyq aıy» akııasy aıasynda kúnine 1000-ǵa jýyq turmysy tómen otbasyǵa azyq-túlik sebetteri taratyldy. Odan bólek,  Rıdder qalasy Leshoz kentiniń zardap shekken turǵyndaryna gýmanıtarlyq júk tıelgen 3 kólik jiberildi. Oǵan azamattyq uıymdar, volonterlyq qozǵalystar, etnomádenı birlestikter, kásipkerler men máslıhat depýtattary jáne jastar uıymdary jumyldyryldy.

Záýre Oralbaeva Shymkent qalasy boıynsha «Rýhanı jańǵyrý» jobalyq keńsesiniń meńgerýshisi : Jalpy, Shymkentte tek joba úshin emes, óńirimizdiń jeke azamattary naýqas balalarǵa, balalar úıleri men jalǵyzilikti analarǵa, turmysy tómen otbasylaryna qoldaý kórsetip, qolushyn berip júrgen, onysyn jarııa etýden aýlaq azamat kóp. Olarǵa da alǵysymyz sheksiz»

Nur Otandyqtardyń tarapynan qaıyrymdylyq úshin bıyl 90 mln teńgeniń qarjysy jınalyp, halyq ıgiligine jumsalypty. Jalpy reıtıngte kómek qolyn sozýdan shymqala turǵyndary Nursultan qalasy halqynan keıin ekinshi orynda eken. Mundaı ıgi sharalar Táýelsizdik toıy jalǵasatyn kelesi jartyjyldyqta da qolǵa alynbaq.

 

M.Rysbaeva

Pikirler