شىمكەنتتەگى «وڭتۇستىك» يندۋستريالدى ايماعىندا تەڭدەسى جوق بىرەگەي ءونىم پوليپرولپيلەن پاراقتارى شىعارىلادى. ودان ءارتۇرلى سۇيىقتىقتاردى ساقتاۋعا ارنالعان ۇلكەن كولەمدى تسيستەرنالار، باسسەيندەر مەن اكۆاپاركتەردەگى سىرعاناقتار جاسالادى.
«يۋگرەگيونپلاست» جشس زاۋىتى «بيزنەستىڭ جول كارتاسى-2020» جانە «يندۋستريالاندىرۋ كارتاسى» باعدارلامالارىنىڭ اياسىندا قولعا الىنىپ. نەگىزى 2011 جىلى قالانىپ، بۇگىندە قارقىندى جۇمىس ىستەپ كەلەدى. العاشقى ءونىمىن 2013 جىلى شىعارعان. جىلدىق قۋاتتىلىعى 64 مىڭ شارشى مەتر. ءوندىرىس وشاعىنداعى تەحنيكالاردىڭ بارلىعى شەتەلدىك. ارنايى تاپسىرىسپەن قىتايدان اكەلىنگەن. بىر قۋانارلىعى كاسىپورىنداعى قوندىرعىلاردا جەرگىلىكتى حالىق ەڭبەك ەتەدى. بارلىعى زاماناۋي قۇرىلىعىلاردىڭ ءتىلىن جەتىك مەڭگەرىپ العان. قازىرگى تاڭدا زاۋىتتا 30 ادام تۇراقتى جۇمىسپەن قامتىلعان.
سانجار باۋىرجان – «يۋگرەگيونپلاست» زاۋىتى ديرەكتورىنىڭ ورىنباسارى
ايتىپ وتەيىك, تاۋارعا سۇرانىس كوبىنەسە شەت مەملەكەتتەردەن تۇسەدى. ونىڭ ىشىندە وزبەكستان، قىرعىزستان مەن رەسەي ەلدەرى بار. ال، ءوزىمىزدىڭ وڭىرلەردەن پاۆلودار، ماڭعىستاۋ قالالارىن پلاستيكالىق ونىمدەرمەن قامتاماسىز ەتىپ وتىر. زاۋىت باسشىسى الداعى ۋاقىتتا جىلدىق قۋاتتىلىعىن ارتتىرى، جۇمىس كۇشىن كوبەيتۋدە كوزدەپ وتىر.
سەرىك ماحۋلبەكوۆ - «يۋگرەگيون پلاست» زاۋىتىنىڭ شەبەرى
زاۋىت باسشىسىنىڭ ايتۋىنشا، پلاستيكالىق تسيستەرنالار ءتيىمدى. ويتكەنى، مەتالدان ايىرماشىلىعى، ولار تەكسەرۋدى قاجەت ەتپەيدى، توت باسپايدى جانە قولايسىزدىقتار اكەلمەيدى. زاۋىت ءوز ونىمدەرىنە 50 جىلدىق كەپىلدىك بەرەدى.سونداي-اق ءونىمنىڭ پلاستيكالىق بولعانىنا قاراماستان، ءوندىرىستىڭ تابيعاتقا زيانى جوق كورىنەدى. سەبەبى، كومپانيا شيكىزاتتى اقىلمەن پايدالانادى جانە ءوندىرىس قالدىق قالمايدى.
ايدانا قۋانىشقىزى
