Shymkenttegi «Ońtústik» ındýstrıaldy aımaǵynda teńdesi joq biregeı ónim polıprolpılen paraqtary shyǵarylady. Odan ártúrli suıyqtyqtardy saqtaýǵa arnalǵan úlken kólemdi ısternalar, basseınder men akvaparkterdegi syrǵanaqtar jasalady.
«IýgRegıonPlast» JShS zaýyty «Bıznestiń jol kartasy-2020» jáne «Indýstrııalandyrý kartasy» baǵdarlamalarynyń aıasynda qolǵa alynyp. Negizi 2011 jyly qalanyp, búginde qarqyndy jumys istep keledi. Alǵashqy ónimin 2013 jyly shyǵarǵan. Jyldyq qýattylyǵy 64 myń sharshy metr. Óndiris oshaǵyndaǵy tehnıkalardyń barlyǵy sheteldik. Arnaıy tapsyryspen Qytaıdan ákelingen. Bir qýanarlyǵy kásiporyndaǵy qondyrǵylarda jergilikti halyq eńbek etedi. Barlyǵy zamanaýı qurylyǵylardyń tilin jetik meńgerip alǵan. Qazirgi tańda zaýytta 30 adam turaqty jumyspen qamtylǵan.
Sanjar Baýyrjan – «IýgRegıonPlast» zaýyty dırektorynyń orynbasary
Aıtyp óteıik, taýarǵa suranys kóbinese shet memleketterden túsedi. Onyń ishinde Ózbekstan, Qyrǵyzstan men Reseı elderi bar. Al, ózimizdiń óńirlerden Pavlodar, Mańǵystaý qalalaryn plastıkalyq ónimdermen qamtamasyz etip otyr. Zaýyt basshysy aldaǵy ýaqytta jyldyq qýattylyǵyn arttyry, jumys kúshin kóbeıtýde kózdep otyr.
Serik Mahýlbekov - «IýgRegıon Plast» zaýytynyń sheberi
Zaýyt basshysynyń aıtýynsha, plastıkalyq ısternalar tıimdi. Óıtkeni, metaldan aıyrmashylyǵy, olar tekserýdi qajet etpeıdi, tot baspaıdy jáne qolaısyzdyqtar ákelmeıdi. Zaýyt óz ónimderine 50 jyldyq kepildik beredi.Sondaı-aq ónimniń plastıkalyq bolǵanyna qaramastan, óndiristiń tabıǵatqa zııany joq kórinedi. Sebebi, kompanııa shıkizatty aqylmen paıdalanady jáne óndiris qaldyq qalmaıdy.
Aıdana Qýanyshqyzy
