پرەزيدەنت قاسىم-جومارت توقاەۆتىڭ توراعالىعىمەن بەينەبايلانىس رەجيمىندە وتكەن ۇكىمەتتىڭ كەڭەيتىلگەن وتىرىسىندا شىمكەنت قالاسىنىڭ اكىمى مۇرات ايتەنوۆ قالانىڭ الەۋمەتتىك-ەكونوميكالىق دامۋى بويىنشا 2021 جىلدىڭ 6 ايىندا اتقارىلعان جۇمىستاردى باياندادى.
بيىلعى ءى جارتىجىلدىقتا قالا ەكونوميكاسىنىڭ دامۋى بايقالاتىنىن ايتقان قالا اكىمى ەكونوميكالىق ءوسىمدى قايتا قالپىنا كەلتىرۋ جونىندەگى پرەزيدەنت تاپسىرماسى ءوز ناتيجەسىن بەرىپ جاتقانىن اتاپ ءوتتى. «قالانىڭ بازالىق سەكتورلارىندا ءوسىم ديناميكاسى بار. بۇل حالىقتىڭ ءال-اۋقات جاعدايىنا وڭ ىقپال تيگىزەدى. «جاڭا جاعدايداعى قازاقستان: ءىس-قيمىل كەزەڭى» اتتى جولداۋىڭىزدا ازاماتتاردىڭ ءال-اۋقاتىن جاقسارتىپ، قولايلى ورتا قالىپتاستىرۋدى تاپسىرعان بولاتىنسىز. بۇل باعىتتا، قالانىڭ 5 جىلدىق دامۋ جوسپارى بەكىتىلىپ، نەگىزگى باسىمدىقتارى ايقىندالدى. ءبىرىنشى باسىمدىق، ول كاسىپكەرلىك جانە ونەركاسىپتى قولداۋ»،-دەدى م.ايتەنوۆ.اكىمنىڭ ايتۋىنشا، قالاداعى ءۇش وندىرىستىك ايماقتا 7 690 جۇمىس ورنىمەن 110 كاسىپورىن اشىلعان. بيىل 1,8 ملرد. تەڭگەگە 274 جۇمىس ورنىمەن 4 جوبا جۇزەگە اسىپ وتىر. ال، جىل سوڭىنا دەيىن 38 ملرد. تەڭگەگە 754 جۇمىس ورنىمەن 13 جوبا ىسكە قوسىلادى. بۇگىنگى تاڭدا وندىرىستىك ايماقتار 100 پايىزعا تولعان.
شىمكەنتتە تەرەڭ وڭدەۋ ونەركاسىبى قارقىن الادى
شىمكەنت قالاسىنىڭ ەكونوميكاسىن ارتتىرۋ ماقساتىندا جانە قالادا جۇمىس ىستەپ تۇرعان وندىرىستىك ايماقتار 100 پايىزعا تولۋىنىڭ نەگىزىندە، مەگاپوليستە تاعى ءتورت ايماق اشۋ جوسپارلانۋدا. ونىڭ ءبىرىنشىسى–«جۇلدىز» يندۋستريالدى ايماعى. قازىر ينجەنەرلىك ينفراقۇرىلىم جۇيەلەرى سالىنۋدا. مۇندا شامامەن قۇنى 200 ملرد. تەڭگە بولاتىن 60 ءىرى زاماناۋي كاسىپورىندار اشىلادى. ينۆەستورلار تاراپىنان قىزىعۋشىلىق جوعارى. بۇگىننىڭ وزىندە 100 ملرد. تەڭگەگە 25 ينۆەستيتسيالىق جوبالاردىڭ پۋلى جاساقتالعان. كەلىسىمدەرگە سايكەس بيىل 10 جوبانىڭ قۇرىلىسى باستالادى. ەكىنشىسى – اۋىلشارۋاشىلىق ونىمدەرىن تەرەڭ وڭدەۋگە باعىتتالعان «بوزارىق» تاماق ونەركاسىبى يندۋستريالدى ايماعى. مۇندا قۇنى 23 ملرد.تەڭگەنى قۇرايتىن 1 810 جۇمىس ورنىمەن 21 جوبا ىسكە اسادى. ءۇشىنشىسى – 136 گەكتارعا زاماناۋي ونەركاسىپتىك جىلىجاي̆ كەشەندەرى ايماعى. مۇندا 30 ملرد.تەڭگەگە 2 مىڭ جۇمىس ورنىمەن 20 جوبا ىسكە اسادى.مەملەكەت باسشىسى ءوز جولداۋىندا شاعىن جانە ورتا بيزنەستىڭ جالپى ونىمدەگى ۇلەسىن 2025 جىلعا قاراي 35 پايىزعا كوبەيتۋدى تاپسىرعان بولاتىن.قالا اكىمى وسى ماقساتتا شىمكەنت قالاسىندا ءتورتىنشى «ستاندارت» جەكە يندۋستريالدى ايماعى اشىلاتىنىن جەتكىزدى. مۇندا شاعىن جانە ورتا بيزنەس سۋبەكتىلەرى شوعىرلاندىرىلادى. زاماناۋي قويمالار، شاعىن وندىرىستىك تسەحتار اشىلادى. ايماقتا 180 ملرد. تەڭگەنى قۇرايتىن 30 جوبا ىسكە اسىپ، 4,5 مىڭ ادام جۇمىسپەن قامتىلادى،-دەپ اتاپ ءوتتى قالا اكىمى
