Şymkenttegı öndırıstık aimaqtar tolyq jüktelımde

Prezident Qasym-Jomart Toqaevtyŋ töraǧalyǧymen beinebailanys rejimınde ötken Ükımettıŋ keŋeitılgen otyrysynda Şymkent qalasynyŋ äkımı Mūrat Äitenov qalanyŋ äleumettık-ekonomikalyq damuy boiynşa 2021 jyldyŋ 6 aiynda atqarylǧan jūmystardy baiandady. Biylǧy I jartyjyldyqta qala ekonomikasynyŋ damuy baiqalatynyn aitqan qala äkımı ekonomikalyq ösımdı qaita qalpyna keltıru jönındegı Prezident tapsyrmasy öz nätijesın berıp jatqanyn atap öttı. «Qalanyŋ bazalyq sektorlarynda ösım dinamikasy bar. Būl halyqtyŋ äl-auqat jaǧdaiyna oŋ yqpal tigızedı. «Jaŋa jaǧdaidaǧy Qazaqstan: Is-qimyl kezeŋı» atty Joldauyŋyzda azamattardyŋ äl-auqatyn jaqsartyp, qolaily orta qalyptastyrudy tapsyrǧan bolatynsyz. Būl baǧytta, qalanyŋ 5 jyldyq damu jospary bekıtılıp, negızgı basymdyqtary aiqyndaldy. Bırınşı basymdyq, ol käsıpkerlık jäne önerkäsıptı qoldau»,-dedı M.Äitenov.Äkımnıŋ aituynşa, qaladaǧy üş öndırıstık aimaqta 7 690 jūmys ornymen 110 käsıporyn aşylǧan. Biyl 1,8 mlrd. teŋgege 274 jūmys ornymen 4 joba jüzege asyp otyr. Al, jyl soŋyna deiın 38 mlrd. teŋgege 754 jūmys ornymen 13 joba ıske qosylady. Bügıngı taŋda öndırıstık aimaqtar 100 paiyzǧa tolǧan. ŞYMKENTTE TEREŊ ÖŊDEU ÖNERKÄSIBI  QARQYN ALADY Şymkent qalasynyŋ ekonomikasyn arttyru maqsatynda jäne qalada jūmys ıstep tūrǧan öndırıstık aimaqtar 100 paiyzǧa toluynyŋ negızınde, megapoliste taǧy tört aimaq aşu josparlanuda. Onyŋ bırınşısı–«Jūldyz» industrialdy aimaǧy. Qazır injenerlık infraqūrylym jüielerı salynuda. Mūnda şamamen qūny 200 mlrd. teŋge bolatyn 60 ırı zamanaui käsıporyndar aşylady. İnvestorlar tarapynan qyzyǧuşylyq joǧary. Bügınnıŋ özınde 100 mlrd. teŋgege 25 investisiialyq jobalardyŋ puly jasaqtalǧan. Kelısımderge säikes biyl 10 jobanyŋ qūrylysy bastalady. Ekınşısı – auylşaruaşylyq önımderın tereŋ öŋdeuge baǧyttalǧan «Bozaryq» tamaq önerkäsıbı industrialdy aimaǧy. Mūnda qūny 23 mlrd.teŋgenı qūraityn 1 810 jūmys ornymen 21 joba ıske asady. Üşınşısı – 136 gektarǧa zamanaui önerkäsıptık jylyjaĭ keşenderı aimaǧy. Mūnda 30 mlrd.teŋgege  2 myŋ jūmys ornymen 20 joba ıske asady.Memleket basşysy öz Joldauynda şaǧyn jäne orta biznestıŋ jalpy önımdegı ülesın 2025 jylǧa qarai 35 paiyzǧa köbeitudı tapsyrǧan bolatyn.Qala äkımı osy maqsatta Şymkent qalasynda törtınşı «Standart» jeke industrialdy aimaǧy aşylatynyn jetkızdı. Mūnda şaǧyn jäne orta biznes subektılerı şoǧyrlandyrylady. Zamanaui qoimalar, şaǧyn öndırıstık sehtar aşylady. Aimaqta 180 mlrd. teŋgenı qūraityn 30 joba ıske asyp, 4,5 myŋ adam jūmyspen qamtylady,-dep atap öttı qala äkımı