اۋعانستاننىڭ بيلىگىن باسىپ العان تاليبان راديكالدى قوزعالىسى جەتەكشىلەرىنىڭ ءبىرى، يسلام شاريعاتىنىڭ قۇقىقتارىن مەملەكەت باسقارۋ ءىسىنى ەنگىزۋدى رەفورمالاۋشى نوورۋددين تۋرابي ءتارتىپ بۇزعان ازاماتتاردى جازالاۋدىڭ وتە قاتاڭ ءتۇرىن ۇسىندى.
Associated Press-كە بەرگەن سۇحباتىندا نوورۋددين تۋرابي اتالعان جازالاۋدىڭ ءتۇرى ەل الدىنداعى الاڭدا ىسكە اساتىنىن مالىمدەدى. جازالاۋدىڭ مۇنداي ءتاسىلى اۋعانستاننىڭ بۇرىنعى تاريحىندا بولعانىن دا تىلگە تيەك ەتتى. ونىڭ ايتۋىنشا، جازانىڭ مۇنداي ءتۇرىن قابىلداۋ ەلدىڭ تۇتاستىعى مەن بيلىكتى مىقتى ۇستاپ تۇرۋدىڭ تەتىگىنە اينالماق.
ول ءوزىنىڭ سوزىندە:
ء"بىزدى ءبارى وسى جازانى ەل الدىندا الاڭداردا قابىلداعانىمىزدى سىناپ، مىنەپ جاتادى. بىراق ءبىز ولارعا ەشتەڭە دە ايتپايمىز. ءبىزدىڭ زاڭدارىمىزدىڭ قانداي كەمشىلىكتەرى بار ەكەنىن ولاردىڭ وزدەرى كەلىپ جۇزىمىزگە ايتا المايدى. ال ءبىز يسلام زاڭدارى مەن قۇراننىڭ قاعيدالارىنا سۇيەنىپ، ءوز زاڭدارىمىزدى جاساپ وتىرمىز»،-دەدى موللا نوورۋددين تۋرابي.
"ادىرنا" ۇلتتىق پورتالى
