قىرعىزستاننىڭ ۇلتتىق قاۋىپسىزدىك كوميتەتىنىڭ باسشىسى قامچىبەك تاشيەۆ ەندى ەلدە ۇيىمداسقان قىلمىستىق توپتاردىڭ جەتەكشىلەرى بولمايتىنىن ايتتى، دەپ حابارلايدى «ادىرنا» ءتىلشىسى kaktus.media-عا سىلتەمە جاساپ.
«بۇدان بىلاي ەلىمىزدە زاڭداعى ۇرىلار مەن ۇيىمداسقان قىلمىستىق توپتاردىڭ باسشىلارى بولمايدى. ەگەر كىمدە-كىم ۇرلىق جاساسا، ونى قاتاڭ جازالايمىز. ءيا، ءبىر كريمينالدىڭ ورنىنا باسقاسى كەلگەن جىلدار ەسىمىزدە. ەندى بۇعان جول جوق»،—دەدى ول.
سونداي-اق ۇقك باسشىسى پرەزيدەنت كومانداسىنىڭ ەلدە ءتارتىپ پەن زاڭدىلىق ورناتۋعا ساياسي ەرىك-جىگەرى بار ەكەنىن ايتتى.
