Aýǵanstannyń bıligin basyp alǵan Talıban radıkaldy qozǵalysy jetekshileriniń biri, ıslam sharıǵatynyń quqyqtaryn memleket basqarý isini engizýdi reformalaýshy Noorýddın Týrabı tártip buzǵan azamattardy jazalaýdyń óte qatań túrin usyndy.
Associated Press-ke bergen suhbatynda Noorýddın Týrabı atalǵan jazalaýdyń túri el aldyndaǵy alańda iske asatynyn málimdedi. Jazalaýdyń mundaı tásili Aýǵanstannyń burynǵy tarıhynda bolǵanyn da tilge tıek etti. Onyń aıtýynsha, jazanyń mundaı túrin qabyldaý eldiń tutastyǵy men bılikti myqty ustap turýdyń tetigine aınalmaq.
Ol óziniń sózinde:
"Bizdi bári osy jazany el aldynda alańdarda qabyldaǵanymyzdy synap, minep jatady. Biraq biz olarǵa eshteńe de aıtpaımyz. Bizdiń zańdarymyzdyń qandaı kemshilikteri bar ekenin olardyń ózderi kelip júzimizge aıta almaıdy. Al biz ıslam zańdary men Qurannyń qaǵıdalaryna súıenip, óz zańdarymyzdy jasap otyrmyz»,-dedi molla Noorýddın Týrabı.
"Adyrna" ulttyq portaly
