اقتاۋ تۇرعىنى باعدارشام جۇمىس ىستەمەيتىن كوشە قيىلىسىندا ۋاقىتشا جول سىلتەۋشى بولدى، دەپ حابارلايدى "ادىرنا" ۇلتتىق پورتالى.
ونىڭ بۇل ارەكەتىن كۋاگەرلەر ۆيدەوعا ءتۇسىرىپ العان.
«لادا» حابارلاپ وتكەندەي، «حالىقتىق» جول سىلتەۋشى جۇرگىزۋشىلەردى قۋانتتى.
جارايسىڭ. باعدارشام جۇمىس ىستەمەيدى، مۇندا شاقىرىمعا سوزىلعان كەپتەلىس بولىپ جاتىر، ال جاس جىگىت تۇرىپ، بارلىعىن تارتىپكە كەلتىرىپ، ءبىزدىڭ پوليتسەيلەردىڭ جۇمىسىن ىستەپ جاتىر، - دەيدى اۆتور.
قايىرىمدى ءىس بولعانىمەن، كولىكتەردىڭ قوزعالىسىن باعدارشامنىڭ بوس تۇرعان قيىلىسىندا جانە پوليتسيا قىزمەتكەرلەرى جوق جەردە رەتكە كەلتىرگەن جەرگىلىكتى تۇرعىننىڭ ءتارتىپ ساقشىسىنىڭ قىزمەتىن اتقارۋعا قۇقىعى جوق. بۇل تۋرالى وبلىستىق پوليتسيا دەپارتامەنتى حابارلادى.
جول قوزعالىسىن جۇرگىزۋگە پوليتسيا قىزمەتكەرى عانا قۇقىلى.
وسى فاكتى بويىنشا اقتاۋ قالالىق پوليتسيا باسقارماسى قىزمەتتىك تەكسەرۋ جۇرگىزىپ جاتىر، - دەدى پد.
"ادىرنا" ۇلتتىق پورتالى
