الماتدا ارتى اتىسقا ۇلاسىپ، بەس ادامنىڭ قازاسىنا سەبەپ بولعان بانك پەن بورىشكەر اراسىنداعى داۋلى ءۇيدىڭ نەگە تىم ارزان باعاعا ساتىلعانى تۋرالى الماتى قالالىق سوتى تۇسىنىكتەمە بەردى، دەپ حاباردايدى “ادىرنا” ۇلتتىق پورتالى Express Qazaqstan.سايتىنا سىلتەمە جاساپ.
قالالىق سوتتاعىلاردىڭ ايتۋىنشا، اۋكتسيونعا قويىلعان ءۇيدى ساتۋ كەزىندە ۇسىنىلعان باعاعا ساتىپ الۋشى شىقپاعان.
"باستاپقىدا كەپىلگە قويىلعان نىسان 184 ميلليون تەڭگەگە باعالاندى. بىراق بۇل نارىقتاعى باعا ەمەس. بۇل — كاسىبي باعالاۋشىنىڭ سۋبەكتيۆتى باعاسى. مۇنداي باعالاۋ اۋكتسيوندا ساتۋدىڭ باستاپقى باعاسىن بەلگىلەۋ ءۇشىن قاجەت. نىساننىڭ نارىقتىق باعاسى اۋكتسيوندا انىقتالادى جانە ساتىپ الۋشىلاردىڭ سۇرانىسىنا بايلانىستى. ناتيجەسىندە يگور دۋجنوۆ پەن الايد دەميرچياننىڭ كوممەرتسيالىق جىلجىمايتىن مۇلكىن بانك ۇسىنعاننان جوعارى باعاعا ساتىپ الۋشى تابىلمادى (96 ميلليون تەڭگە). بورىشكەرلەردىڭ ءوزى كوممەرتسيالىق نىساندى اۋكتسيوندا ساتۋعا نارازىلىق بىلدىرگەن جوق. ياعني ولار اۋكتسيون اياقتالعانداعى باعامەن كەلىسكەن", — دەپ تولىقتىردى قالالىق سوت وكىلى.
سونىمەن قاتار، سوتتاعىلاردىڭ ايتۋىنشا بورىشكەرلەر كەپىلىدىككە قويعان نىساندارىن وزدەرى ساتىلىمعا شىعارىپ ساتۋعا قۇقىلارى بولعان. الايدا ولار بۇل مۇمكىندىكتەرىن پايدالانباعان.
"زاڭ بويىنشا، دۋجنوۆ پەن دەميرچيان كەپىلگە قويعان مۇلىكتەرىن وزدەرى ساتىپ، بانكپەن ەسەپ ايىرىسۋلارىنا بولار ەدى. الايدا ولار بۇل قۇقىقتى پايدالانبادى. قارىزدى قايتارۋ تۋرالى سوت شەشىمى ءۇش جىل ىشىندە (2017 جىلعا دەيىن) ورىندالماي قالا بەردى. ەگەر بورىشكەر قارىزدى قايتارماسا، وندا زاڭ بويىنشا سوت شەشىمى ءماجبۇرلى تۇردە ورىندالادى. ول ءۇشىن سوت ورىنداۋشىسى كەپىلگە قويىلعان نىساندى ەلەكتروندى اۋكتسيونعا قويادى", — دەپ جاۋاپ بەردى سوتتىڭ وكىلى.
