الماتى اكىمى دارحان ساتىبالدى سانكت-پەتەربۋرگ گۋبەرناتورى الەكساندر بەگلوۆپەن كەزدەستى.
بيىل الماتى مەن سانكت-پەتەربۋرگ اراسىنداعى سەرىكتەستىك قاتىناستىڭ ورناعانىنا 30 جىل تولدى. وسى ۋاقىت ىشىندە ەكى قالا ءتۇرلى سالادا تۇراقتى بايلانىس ورناتتى. كەزدەسۋدە ىنتىماقتاستىقتى ودان ءارى دامىتۋ جانە بىرلەسكەن جوبالاردى جۇزەگە اسىرۋ ماسەلەلەرى تالقىلاندى.
كولىك ينفراقۇرىلىمىن، سونىڭ ىشىندە جەڭىل رەلستى كولىكتى دامىتۋعا ەرەكشە نازار اۋدارىلدى. الماتى سانكت-پەتەربۋرگتىڭ قوعامدىق كولىك جۇمىسىن ۇيىمداستىرۋ تاجىريبەسىنە قىزىعۋشىلىق تانىتىپ وتىر.
سونداي-اق تاراپتار مادەنيەت، تۋريزم، ءبىلىم، عىلىم جانە اقپاراتتىق تەحنولوگيا سالالارىنداعى ىنتىماقتاستىقتى تالقىلادى. ۋنيۆەرسيتەتتەر، مادەنيەت مەكەمەلەرى مەن سالالىق ۇيىمدار اراسىنداعى تىكەلەي بايلانىستى كەڭەيتۋ قاجەتتىگى اتاپ ءوتىلدى.
كەزدەسۋ قورىتىندىسى بويىنشا ىنتىماقتاستىقتىڭ ناقتى باعىتتارى بويىنشا جۇمىستى جالعاستىرۋ جونىندە ۋاعدالاستىققا قول جەتكىزىلدى.
