Almatda arty atysqa ulasyp, bes adamnyń qazasyna sebep bolǵan bank pen boryshker arasyndaǵy daýly úıdiń nege tym arzan baǵaǵa satylǵany týraly Almaty qalalyq soty túsinikteme berdi, dep habardaıdy “Adyrna” ulttyq portaly Express Qazaqstan.saıtyna silteme jasap.
Qalalyq sottaǵylardyń aıtýynsha, aýkıonǵa qoıylǵan úıdi satý kezinde usynylǵan baǵaǵa satyp alýshy shyqpaǵan.
"Bastapqyda kepilge qoıylǵan nysan 184 mıllıon teńgege baǵalandy. Biraq bul naryqtaǵy baǵa emes. Bul — kásibı baǵalaýshynyń sýbektıvti baǵasy. Mundaı baǵalaý aýkıonda satýdyń bastapqy baǵasyn belgileý úshin qajet. Nysannyń naryqtyq baǵasy aýkıonda anyqtalady jáne satyp alýshylardyń suranysyna baılanysty. Nátıjesinde Igor Dýjnov pen Alaıd Demırchıannyń kommerııalyq jyljymaıtyn múlkin bank usynǵannan joǵary baǵaǵa satyp alýshy tabylmady (96 mıllıon teńge). Boryshkerlerdiń ózi kommerııalyq nysandy aýkıonda satýǵa narazylyq bildirgen joq. Iaǵnı olar aýkıon aıaqtalǵandaǵy baǵamen kelisken", — dep tolyqtyrdy qalalyq sot ókili.
Sonymen qatar, sottaǵylardyń aıtýynsha boryshkerler kepilidikke qoıǵan nysandaryn ózderi satylymǵa shyǵaryp satýǵa quqylary bolǵan. Alaıda olar bul múmkindikterin paıdalanbaǵan.
"Zań boıynsha, Dýjnov pen Demırchıan kepilge qoıǵan múlikterin ózderi satyp, bankpen esep aıyrysýlaryna bolar edi. Alaıda olar bul quqyqty paıdalanbady. Qaryzdy qaıtarý týraly sot sheshimi úsh jyl ishinde (2017 jylǵa deıin) oryndalmaı qala berdi. Eger boryshker qaryzdy qaıtarmasa, onda zań boıynsha sot sheshimi májbúrli túrde oryndalady. Ol úshin sot oryndaýshysy kepilge qoıylǵan nysandy elektrondy aýkıonǵa qoıady", — dep jaýap berdi Sottyń ókili.
