الماتىدا بەس ادامدى اتىپ ولتىرگەن ازاماتتىڭ كورشىلەرى وقيعا جايلى ايتىپ بەردى. سوزدەرىنشە، تۇرعىندى قىلمىس جاساۋعا بەلگىلى جاعدايلار يتەرمەلەگەن، دەپ حابارلايدى “ادىرنا” ۇلتتىق پورتالى كتك ارناسىنا سىلتەمە جاساپ.
“سابىرلى، بايسالدى ادامنىڭ وندايعا بارۋى مۇمكىن ەمەس ەدى. ونى قىلمىس جاساۋعا الدەكىمدەر يتەرمەلەدى. ارقاشان ءتۇرلى دۇنيەلەر، جاعدايلار، ادامدار وسىنداي جاعدايدىڭ ورىن الۋىنا سەبەپ بولادى”، – دەيدى كورشىسى راحمەتوللا امۋراتوۆ.
كەيبىر دەرەكتەرگە سۇيەنسەك، ارتى ولىممەن اياقتالعان اتىستىڭ شىعۋىنا وتباسىنى ۇيدەن كۇشتەپ شىعارۋ سەبەپ بولۋى مۇمكىن. ادامدارعا وق اتقان ازامات 54 جاستا. ول 5 ادامدى اڭشى مىلتىعىمەن سۇلاتىپ سالعان.
كوز جۇمعانداردىڭ اراسىندا ەكى پوليتسيا قىزمەتكەرى، سوت ورىنداۋشىسى مەن ەكى قاراپايىم ازامات بار.
پوليتسيا كۇدىكتى ءومىر بويىنا باس بوستاندىعىنان ايىرىلۋى مۇمكىن ەكەنىن ايتادى.
