جازۋشى اياگۇل مانتايدىڭ ولىمىنە بايلانىستى قىلمىستىق ءىس قوزعالدى

3697
Adyrna.kz Telegram

تۇركىستان وبلىستىق پوليتسيا دەپارتامەنتى جازۋشى اياگۇل مانتايدىڭ ولىمىنە قاتىستى قىلمىستىق ءىس قوزعادى، دەپ حابارلايدى «ادىرنا» ۇلتتىق پورتالى.

مالىمەت بويىنشا جازۋشى ءوز-وزىنە قول سالعان. بۇل وقيعا جەتىساي اۋداندىق پوليتسيا بولىمشەسىندە تىركەلگەن. قازىر قىلمىستىق كودەكستىڭ 105-بابى («ءوزiن-ءوزi ولتiرۋگە دەيiن جەتكiزۋ») بويىنشا تەرگەۋ شارالارى جۇرگىزىلىپ جاتىر.

«پوليتسەيلەر قاجەتتى ءىس-شارالاردى اتقارىپ جاتىر. ءتيىستى ساراپتامالار تاعايىندالدى. وقيعانىڭ تولىق ءمان-جايى تەرگەۋ بارىسىندا انىقتالادى»، - دەلىنگەن پوليتسيانىڭ رەسمي حابارلاماسىندا.

ايتا كەتەيىك، 29 شىلدە كۇنى جازۋشى اياگۇل مانتايدىڭ قايتىس بولعانى بەلگىلى بولدى.

"ادىرنا" ۇلتتىق پورتالى

پىكىرلەر