ماسكەۋدەگى Wildberries كەڭسەسىنىڭ جانىندا اتىس بولدى، زارداپ شەككەندەر بار، دەپ حابارلايدى "ادىرنا" ۇلتتىق پورتالى.
«بۇگىن ۆلاديسلاۆ باكالچۋك، سەرگەي انۋفريەۆ جانە ۆلاديمير باكين باستاعان ءبىر توپ ادام ماسكەۋدەگى Wildberries كەڭسەلەرىن باسىپ الماق بولدى. ۇشەۋى جاراقات الدى، ءبىز ولاردىڭ جاعدايىن تەكسەرىپ جاتىرمىز»، - دەدى Wildberries باس ديرەكتورى تاتيانا باكالچۋك.
ونىڭ ايتۋىنشا، بۇل رەيدەرلەردىڭ باسىپ الۋ ارەكەتى جانە شابۋىلداۋشىلار باسشىلىقپەن الدىن الا كەلىسسوزدەر جۇرگىزبەگەن.
تاسس اگەنتتىگى «Romanov Dvor» بيزنەس ورتالىعىنداعى Wildberries كەڭسەسىنىڭ كىرەبەرىسىندە اتىس بولىپ، بىرنەشە ادام ۇستالعانىن حابارلادى.
ساۋدا ءمينيسترى ارمان شاققاليەۆتىڭ ايتۋىنشا، 2023 جىلدىڭ سوڭىنا قاراي Wildberries پلاتفورماسىندا تىركەلگەن قازاقستاندىق ساتۋشىلاردىڭ سانى جىل باسىنان بەرى 55 704-ءتى قۇرادى. قازاقستاندا فرانشيزا ارقىلى 120-دان استام جاڭا قابىلداۋ پۋنكتتەرى اشىلدى (2024 جىلدىڭ قاڭتار-ناۋرىز كەزەڭىندە ءوسىم 20%-دى قۇرادى).
