وزبەكستان اۋعانستانعا گۋمانيتارلىق كومەك جونەلتتى

2276
Adyrna.kz Telegram

«وزبەكستاننان باۋىرلاس اۋعان حالقىنا». ءدال وسىنداي ۇرانمەن كورشى ەل پرەزيدەنتىنىڭ اتىنان اۋعانستانعا گۋمانيتارلىق كومەك جىبەردى، دەپ حابارلايدى "ادىرنا" ۇلتتىق پورتالى. بۇل تۋرالى وزبەكستاننىڭ سىرتقى ىستەر مينيسترلىگى مالىمدەدى.

1300 توننا جۇك تەمىر جول ارقىلى بالح پروۆينتسياسىنا جەتكىزىلىپ، تالىپتەرگە تاپسىرىلعان. ەندى ۇن، ازىق-تۇلىك ونىمدەرى، ءدارى-دارمەكتەر مەن كيىم- كەشەكتەر اۋعانستاننىڭ مۇقتاج ازاماتتارىنا تاراتىلماق. گۋمانيتارلىق كومەك كورسەتكەنى ءۇشىن تالىپتەر وزبەكستان پرەزيدەنتىنە العىس ءبىلدىردى.

ايتا كەتەيىك، اۋعانستاندا ازىق-تۇلىك تاپشىلىعىنا بايلانىستى بۇۇ پاكىستان، تاجىكستان جانە وزبەكستانداعى قويمالاردا ءبىرىنشى قاجەتتىلىكتەگى تاۋارلاردىڭ قورىن ارتتىرۋعا كىرىسكەن. قازىر كورشى وزبەكستاننىڭ تەرمەز قالاسىندا نەگىزگى لوگيستيكالىق ورتالىق قۇرىلعان.

"ادىرنا" ۇلتتىق پورتالى

 

 

پىكىرلەر