بىرقاتار شەتەلدىك باق-تا قازا تاپقان ءالي حامەنەيدىڭ ۇلى مودجتابا اكەسىنىڭ ورنىنا يراننىڭ جوعارعى كوشباسشىسى بولىپ سايلاندى دەگەن اقپارات تارادى، دەپ حابارلايدى «ادىرنا» ءتىلشىسى.
حامەنەيدىڭ مۇراگەرى سايلانعانى تۋرالى اقپاراتتى Iran International باسىلىمى جاريالاعان. سونداي-اق مودجتابا حامەنەيدىڭ يراننىڭ جوعارعى كوشباسشىسى بولىپ تاعايىندالعانى جونىندە The New York Times تە حابارلادى. باسىلىمنىڭ جازۋىنشا، جوعارعى كوشباسشىنى تاڭداۋعا جاۋاپتى جوعارى ءدىني تۇلعالار سەيسەنبى كۇنى جينالىپ، ماسەلەنى تالقىلاعان.
56 جاستاعى مودجتابا حامەنەيدىڭ يران كوشباسشىسى بولىپ سايلانعانى تۋرالى اقپاراتتى Deutsche Welle (DW) دە جازدى. باسىلىم مالىمەتىنشە، شەشىمدى 88 جوعارى شيت ءدىنباسىنان تۇراتىن كەڭەس يسلام رەۆوليۋتسياسى ساقشىلار كورپۋسىنىڭ قىسىمىمەن قابىلداعان.
ەسكە سالايىق، 1 ناۋرىز كۇنى يراندىق مەملەكەتتىك باق ەلدىڭ جوعارعى كوشباسشىسى اياتوللا ءالي حامەنەيدىڭ قازا تاپقانىن رەسمي تۇردە راستادى. ەلدە 40 كۇندىك ازا تۇتۋ جاريالانعان.
