تۇركيا پرەزيدەنتى رەجەپ تايپ ەردوعان يراننان ۇشىرىلعان بالليستيكالىق زىمىراننىڭ تۇركيا اۋە كەڭىستىگىندە زالالسىزداندىرىلۋىنا قاتىستى پىكىر ءبىلدىردى. بۇل تۋرالى Report اگەنتتىگى جازدى، دەپ حابارلايدى «ادىرنا» ءتىلشىسى.
ول ەلدىڭ اتالعان وقيعاعا بايلانىستى ناتو وداقتاستارىمەن بىرگە بارلىق قاجەتتى شارانى قابىلداپ جاتقانىن مالىمدەدى.
«ايماعىمىز كۇردەلى كەزەڭدى باستان وتكەرىپ جاتقان ۋاقىتتا ءبىز بولىپ جاتقان وقيعالاردى كەزدەيسوقتىق دەپ بەي-جاي قالدىرمايمىز. ناتو-داعى وداقتاستارىمىزبەن تىعىز كەڭەس وتكىزىپ، بارلىق قاجەتتى شارانى قابىلداپ، تالاپ ەتىلگەن ارەكەتتەردى دەرەۋ جۇزەگە اسىرامىز. تۇرىك تاراپىنان وسىنداي وقيعالاردىڭ قايتالانۋىنا جول بەرمەۋ ءۇشىن بارىنشا قاتاڭ ەسكەرتۋ جاسالدى»،-دەدى ەردوعان.
ەسكە سالايىق، 4 ناۋرىزدا تۇركيا يراننىڭ بالليستيكالىق زىمىرانىن اتىپ ءتۇسىرگەن ەدى.
