«Ózbekstannan baýyrlas Aýǵan halqyna». Dál osyndaı uranmen kórshi el prezıdentiniń atynan Aýǵanstanǵa gýmanıtarlyq kómek jiberdi, dep habarlaıdy "Adyrna" ulttyq portaly. Bul týraly Ózbekstannyń syrtqy ister mınıstrligi málimdedi.
1300 tonna júk temir jol arqyly Balh provınııasyna jetkizilip, tálipterge tapsyrylǵan. Endi un, azyq-túlik ónimderi, dári-dármekter men kıim- keshekter Aýǵanstannyń muqtaj azamattaryna taratylmaq. Gýmanıtarlyq kómek kórsetkeni úshin tálipter Ózbekstan prezıdentine alǵys bildirdi.
Aıta keteıik, Aýǵanstanda azyq-túlik tapshylyǵyna baılanysty BUU Pákistan, Tájikstan jáne Ózbekstandaǵy qoımalarda birinshi qajettiliktegi taýarlardyń qoryn arttyrýǵa kirisken. Qazir kórshi Ózbekstannyń Termez qalasynda negizgi logıstıkalyq ortalyq qurylǵan.
"Adyrna" ulttyq portaly
