يران جوعارى ۇلتتىق قاۋىپسىزدىك كەڭەسىنىڭ حاتشىسى ءالي لاريدجاني تاياۋ شىعىستاعى جاعدايدىڭ ۋشىعۋىنا بايلانىستى كورشىلەس مەملەكەتتەرگە ۇندەۋ جاسادى، دەپ حابارلايدى «ادىرنا» ءتىلشىسى.
ول تەگەراننىڭ كورشى ەلدەرگە شابۋىل جاساۋدى جوسپارلاپ وتىرماعانىن جەتكىزدى.
«ەگەر سىزدەردىڭ ەلدەرىڭىزدەگى بازالار بىزگە قارسى قولدانىلسا جانە اقش ايماقتا وسى كۇشتەردى پايدالانىپ وپەراتسيالار جۇرگىزەتىن بولسا، وندا ءبىز سول بازالارعا سوققى جاسايمىز»، — دەدى ول.
حاتشىنىڭ سوزىنشە، اقش-تىڭ اسكەري بازالارى ورنالاسقان اۋماق امەريكالىق تەرريتوريا بولىپ سانالادى.
بۇعان دەيىن يران سىرتقى ىستەر ءمينيسترىنىڭ ورىنباسارى سايد حاتيبزادە دونالد ترامپ «وتە قاۋىپتى قىزىل سىزىقتان ءوتتى» دەپ مالىمدەگەن ەدى.
ۇقساس جاڭالىقتار
