جاڭا وقۋ جىلىندا شىمكەنتتەگى مەكتەپتەر ءداستۇرلى فورماتتا وقيدى. دەگەنمەن، نەگىزگى پاندەرگە باسىمدىق بەرىلىپ، قوسىمشا دارىستەر قىسقارتىلاتىن بولدى. بۇل تۋرالى قالالىق ءبىلىم باسقاراسىنىڭ باسشىسى جانات تاجيەۆا ءداستۇرلى تامىز كەڭەسىندە مالىمدەدى. ەگەر دە ءبىلىم وشاعىنان قاۋىپتى ۆيرۋستى جۇقتىرعان جان انىقتالسا، وندا ول مەكتەپتىڭ مۇعالىمدەرى جۇيەلى جۇمىس جاساماعان دەپ ەسەپتەيمىن، دەپ كەسىپ ايتتى. الداعى وقۋ جىلىندا تاعى دا قانداي وزگەرىستەر بولۋى مۇمكىن؟
جاڭا وقۋ جىلىنداعى القاشقى قوڭىراۋ كەشىنە، تەك 1 سىنىپ وقۋشىلارى قاتىساتىن بولدى. ال، قالعان شاكىتتەر تىكەلەي سىنىپتارىنا بارىپ، دارىستەرىن باستايدى. بيىل مەكتەپ تابالدىرىعىن العاش رەت 25 مىڭعا جۋىق ءبۇلدىرشىن اتتاعالى وتىر ەكەن. ولار احمەت بايتۇرسىنوۆتىڭ نۇسقاسىمەن دايىندالعان الىپپە وقۋلىعىن قولدارىنا الادى. وسى ورايدا، مەكتەپ فورماسى تالاپ ەتىلمەيتىن بولىپ شەشىلىپتى.
جانات تاجيەۆا – شىمكەنت قالالىق ءبىلىم باسقارماسىنىڭ باسشىسى
ەكى جىلدان بەرى مارتەبەلەرى بەكىتىلگەن زاڭ اياسىندا جۇمىس جاساپ كەلە جاتقان پەداگوگتاردىڭ جالاقىلارى ەكى ەسەگە وسكەن. بىلىمدەرىن جەتىلدىرۋدەن ەشقاشان جالىقپاعان ۇستازدار قاۋىمى زامان تالابىنا ساي تەحنيكانى مەڭگەرىپ، ونلاين فورماتتىدا ەڭسەردى. قاشىقتىقتان وقۋعا العاشىندا دايىن بولماعاندارىن جاسارماعان ءبىلىم باسقارماسىنىڭ باسشىسى جانات تاجيەۆا، ارىپتەستەرىنە الداعى مىندەتتەرىن شەگەلەپ بەردى.
جانات تاجيەۆا – شىمكەنت قالالىق ءبىلىم باسقارماسىنىڭ باسشىسى
وتكەن وقۋ جىلىن تومەن كورسەتكىشپەن اياقتاعان ءبىلىم سالاسىندا، پەداگوگتاردان تەك ءبىلىم ساپاسىن ارتتىرۋ عانا كۇتىلەتىنىن قالا باسشىسى قاداپ ايتتى. سونداي-اق، وقۋشىلارىمىز ءبىلىم وليمپيادالارى مەن ۇلتتىق تەستىلەۋ كورسەتكىشتەرىنەن وق بويى وزىق تۇرۋى كەرەك دەگەن تالابىندا جەتكىزدى. «بۇگىن مەكتەبىنە ۇلەس قوسقان بالا، ەرتەڭ ەلىنە ۇلەس قوساتىن بولادى»، - دەپ سەنىمىن ءبىلدىردى.
مۇرات ايتەنوۆ – شىمكەنت قالاسىنىڭ اكىمى
جاڭارتىلعان ءبىلىم جۇيەسىنە كوشكەن شىمكەنتتىك كوللەدجدەر بيىلدان باستاپ، ەڭبەك نارىعىنا قاجەتتى تەحنيكالىق ماماندار دايارلاۋدى باستادى. بۇل باعىتتا سالا جەتەكشىلەرىنە تاپسىرما بەرگەن قالا اكىمى قۇرىلىسشى ماماندىقتار بويىنشا كادرلار دايارلاۋدى تاپسىرعان-دى.
مۇرات ايتەنوۆ – شىمكەنت قالاسىنىڭ اكىمى
تىلەك يساحمەتوۆ – يندۋستريالدى-تەحنيكالىق كوللەدجىنىڭ ديرەكتورى
ەلىمىزدەگى ءۇشىنشى مەگاپوليستە ءۇش اۋسىمدى مەكتەپتەردىڭ ماسەلەسى بۇگىنگى جيىندا دا تالقىلاندى. بۇيىرتسا، بىرەر جىلدا بۇل پروبلەمادان قۇتىلامىز دەگەن قالا باسشىسى بيىلدىڭ وزىندە 32 مەكتەپتىڭ قۇرىلىسى باستالىپ، 20 مەكتەپ جىل سوڭىنا دەيىن ىسكە قوسىلاتىنىن جەتكىزدى. 16 مەكتەپتىڭ قۇرىلىسىنا جەكە ينۆەستورلار تارتىلىپتى. الداعى 5 جىلدا قالادا 72 مەكتەپتىڭ قۇرىلىسىن جۇرگىزۋ جوسپارلانىپ، ءۇش اۋىسىمدى مەكتەپتەر ماسەلەسى مەن مەكتەبى جوق شاعىناۋداندار مەن تۇرعىن الاپتاردا جاڭا مەكتەپتەر سالىناتىن بولادى. ونلاين وتكەن كەڭەسكە شاقىرتىلعان ۇزدىك ۇستازدارعا جيىن سوڭىندا العىس حاتتار تابىستالدى. 1,5 جىل بويى ءبىرىن—بىرى ساعىنىسىپ قالعان مۇعالىمدەر وسىلايشا مارە-سارە بولىستى.
ساۋلە قالىبەكوۆا - №80 مەكتەپ ليتسەيىنىڭ ديرەكتورى
ايتا كەتەيىك، بيىلعى وقۋ جىلىنان باستاپ قالاداعى ءبىلىم وشاقتارىنا ادام ءتۇرىن وقيتىن تۋرنيكەتتەر قويىلىپ جاتىر. سونداي-اق، بالا قاۋىپسىزدىگى ءۇشىن «اشىق» جوباسىدا ەنگىزىلدى. ەگەر دە ءبىلىم وشاعىنان ۆيرۋستى جۇقتىرعان ناۋقاس انىقتالسا، وندا ول مەكتەپتىڭ مۇعالىمدەرى جۇيەلى جۇمىس جاساماعان دەپ ەسەپتەيمىن، دەپ جانات تاجيەۆا كەسىپ ايتتى. سونداي-اق، قالانىڭ باس ۇستازى التىن بەلگىگە قاتىستى وتكەن جىلعى كورسەتكىش قايتالانباۋىندا قاداپ تاپسىردى. تەكسەرىس بارىسىندا ۇزدىك دەگەن 510 وقۋشىنىڭ بۇل مارتەبەگە 491-ءى عانا لايىق بولىپ شىعىپ، ۇيالتقانى بار ەدى.
گ.اسقارقىزى
