Jańa oqý jylynda Shymkenttegi mektepter dástúrli formatta oqıdy. Degenmen, negizgi pánderge basymdyq berilip, qosymsha dárister qysqartylatyn boldy. Bul týraly qalalyq bilim basqarasynyń basshysy Janat Tájıeva dástúrli tamyz keńesinde málimdedi. Eger de bilim oshaǵynan qaýipti vırýsty juqtyrǵan jan anyqtalsa, onda ol mekteptiń muǵalimderi júıeli jumys jasamaǵan dep esepteımin, dep kesip aıtty. Aldaǵy oqý jylynda taǵy da qandaı ózgerister bolýy múmkin?
Jańa oqý jylyndaǵy alqashqy qońyraý keshine, tek 1 synyp oqýshylary qatysatyn boldy. Al, qalǵan shákitter tikeleı synyptaryna baryp, dáristerin bastaıdy. Bıyl mektep tabaldyryǵyn alǵash ret 25 myńǵa jýyq búldirshin attaǵaly otyr eken. Olar Ahmet Baıtursynovtyń nusqasymen daıyndalǵan álippe oqýlyǵyn qoldaryna alady. Osy oraıda, mektep formasy talap etilmeıtin bolyp sheshilipti.
Janat Tájıeva – Shymkent qalalyq bilim basqarmasynyń basshysy
Eki jyldan beri mártebeleri bekitilgen zań aıasynda jumys jasap kele jatqan pedagogtardyń jalaqylary eki esege ósken. Bilimderin jetildirýden eshqashan jalyqpaǵan ustazdar qaýymy zaman talabyna saı tehnıkany meńgerip, onlaın formattyda eńserdi. Qashyqtyqtan oqýǵa alǵashynda daıyn bolmaǵandaryn jasarmaǵan bilim basqarmasynyń basshysy Janat Tájıeva, áriptesterine aldaǵy mindetterin shegelep berdi.
Janat Tájıeva – Shymkent qalalyq bilim basqarmasynyń basshysy
Ótken oqý jylyn tómen kórsetkishpen aıaqtaǵan bilim salasynda, pedagogtardan tek bilim sapasyn arttyrý ǵana kútiletinin qala basshysy qadap aıtty. Sondaı-aq, oqýshylarymyz bilim olımpıadalary men ulttyq testileý kórsetkishterinen oq boıy ozyq turýy kerek degen talabynda jetkizdi. «Búgin mektebine úles qosqan bala, erteń eline úles qosatyn bolady», - dep senimin bildirdi.
Murat Áıtenov – Shymkent qalasynyń ákimi
Jańartylǵan bilim júıesine kóshken shymkenttik kolledjder bıyldan bastap, eńbek naryǵyna qajetti tehnıkalyq mamandar daıarlaýdy bastady. Bul baǵytta sala jetekshilerine tapsyrma bergen qala ákimi qurylysshy mamandyqtar boıynsha kadrlar daıarlaýdy tapsyrǵan-dy.
Murat Áıtenov – Shymkent qalasynyń ákimi
Tilek Isahmetov – Indýstrıaldy-tehnıkalyq kolledjiniń dırektory
Elimizdegi úshinshi megapolıste úsh aýsymdy mektepterdiń máselesi búgingi jıynda da talqylandy. Buıyrtsa, birer jylda bul problemadan qutylamyz degen qala basshysy bıyldyń ózinde 32 mekteptiń qurylysy bastalyp, 20 mektep jyl sońyna deıin iske qosylatynyn jetkizdi. 16 mekteptiń qurylysyna jeke ınvestorlar tartylypty. Aldaǵy 5 jylda qalada 72 mekteptiń qurylysyn júrgizý josparlanyp, úsh aýysymdy mektepter máselesi men mektebi joq shaǵynaýdandar men turǵyn alaptarda jańa mektepter salynatyn bolady. Onlaın ótken keńeske shaqyrtylǵan úzdik ustazdarǵa jıyn sońynda Alǵys hattar tabystaldy. 1,5 jyl boıy birin—biri saǵynysyp qalǵan muǵalimder osylaısha máre-sáre bolysty.
Sáýle Qalybekova - №80 mektep lıeıiniń dırektory
Aıta keteıik, bıylǵy oqý jylynan bastap qaladaǵy bilim oshaqtaryna adam túrin oqıtyn týrnıketter qoıylyp jatyr. Sondaı-aq, bala qaýipsizdigi úshin «Ashyq» jobasyda engizildi. Eger de bilim oshaǵynan vırýsty juqtyrǵan naýqas anyqtalsa, onda ol mekteptiń muǵalimderi júıeli jumys jasamaǵan dep esepteımin, dep Janat Tájıeva kesip aıtty. Sondaı-aq, qalanyń bas ustazy altyn belgige qatysty ótken jylǵy kórsetkish qaıtalanbaýynda qadap tapsyrdy. Tekseris barysynda úzdik degen 510 oqýshynyń bul mártebege 491-i ǵana laıyq bolyp shyǵyp, uıaltqany bar edi.
G.Asqarqyzy
