بريفينگتە ماڭعىستاۋ وبلىسى اكىمىنىڭ ورىنباسارى عالىمجان نيازوۆ قانشا باس ءىرى قارا ولگەنىن ايتتى، دەپ حابارلايدى "ادىرنا" ۇلتتىق پورتالى zakon.kz-كە سىلتەپ.
جۋرناليستەردەن مالدىڭ ءولىمى تۋرالى سۇراقتار قويىلدى. كەيبىرەۋلەر ءبىزدىڭ وڭىردە 5 مىڭ باس مال ءولدى دەيدى. سوناۋ ساۋىردە اۋىلداردا بيوتەرميالىق شۇڭقىرلار دايىندالدى، 1163 باس ولگەن مال كومىلدى. 1163 باستان تەك 194-ءى تىركەۋگە الىنعان. قالعان ولگەن مالداردىڭ يەسى جوق، ولاردىڭ يەلەرى كىم ەكەنى بەلگىسىز. ازىرگە مال ولىمىنە قاتىستى تەك جەتى ازاماتقا ءوتىنىش ءتۇستى، دەدى نيازوۆ.
جالپى، ونىڭ ايتقان ستاتيستيكالىق مالىمەتتەرىنە سۇيەنسەك، اعىمداعى جىلدىڭ 1 تامىزىنداعى جاعداي بويىنشا وبلىستا 629336 باس مال بولعان، اۋىل شارۋاشىلىعىنىڭ بىرىڭعاي دەرەكتەر قورىندا تىركەلگەن مال 639 493 قۇرايدى.
اكىم ورىنباسارى 77 مىڭ توننا جەم الۋ جوسپارلانعانىن ايتتى. ماڭعىستاۋ، بەينەۋ، قاراكي، تۇپقاراعان، مۇنايلى اۋداندارىنا 41 470 توننا جەم جەتكىزىلدى. قىس ايلارىندا 35 530 توننا ءشوپ اكەلۋ جوسپارلانعان، 25 530 توننا ءشوپ باسقا وڭىرلەردەن اكەلىنەدى.
جىل ورتاسىندا جەم ساتىپ الۋعا 204 ميلليون تەڭگە ءبولىندى. قىس ايلارىندا مەملەكەتتىك قولداۋ اياسىندا جەم ساتىپ الۋعا 5,3 ملرد تەڭگە جۇمساۋ جوسپارلانىپ وتىر. ونىڭ 2,1 ميللياردى بۇگىندە ءبولىندى، - دەدى وبلىس اكىمىنىڭ ورىنباسارى.
بريفينگتە ولار فەرمەرلەر ۇكىمەتتىڭ رەزەرۆىنەن شىعىندى ءىشىنارا وتەي الاتىنىن قوستى.
بۇگىنگى تاڭدا ۇكىمەتتىڭ رەزەرۆىنەن 745,1 ميلليون تەڭگە سوماسىنداعى 5900 جەكە قوسالقى شارۋاشىلىقتىڭ شىعىندارى ءىشىنارا وتەلدى، ال 565 شارۋا قوجالىعى 395,2 ميلليون تەڭگە الدى، دەپ قورىتىندىلادى نيازوۆ.
"ادىرنا" ۇلتتىق پورتالى
