ماڭعىستاۋ وبلىسىندا 7 جىل بويى بالا سۇيە الماعان ايەل بىردەن ۇشەمدى دۇنيەگە اكەلدى، دەپ حابارلايدى «ادىرنا» ءتىلشىسى كتك تەلەارناسىنا سىلتەمە جاساپ.
جاس انا جەتى جىل بويى بالا كوتەرە الماعان. ءسويتىپ «اڭساعان ءسابي» مەملەكەتتىك باعدارلاماسىنا جۇگىنىپتى. ەندى، مىنە، بىردەن، ياسمينا، الينا، ادينا ەسىمدى ءۇش قىزدىڭ اناسى اتاندى. دارىگەرلەر بوبەكتەردىڭ جاعدايى بىرقالىپتى ءارى تۇراقتى دەيدى. جالپى ەگىزدەر مەن ۇشەمدەر دۇنيەگە كەلەتىن وڭىرلەردىڭ ىشىندە ماڭعىستاۋ وبلىسى كوش باستايدى. بىلتىر مۇنايلى ولكەدە ەكى ۇشەم مەن 177 ەگىز دۇنيەگە كەلگەن.
«نارەستەلەردىڭ كۇنى جەتىلمەگەن. بىراق دارىگەرلەردىڭ باقىلاۋىنىڭ ارقاسىندا بالالاردىڭ دا، اناسىنىڭ دا جاعدايى جاقسى. جاقىن ارادا ۇيىنە شىعارۋ جوسپارلانىپ وتىر. وسى قاڭتار ايىندا 600-دەن اسا بالا دۇنيەگە كەلدى. ونىڭ ىشىندە – 10 ەگىز»،—دەيدى ماڭعىستاۋ وبلىستىق «انا مەن بالا» پەريناتالدى ورتالىقتىڭ ديرەكتورىنىڭ ورىنباسارى اقشولپان اسۋبايقىزى.
