اقتاۋ قالاسىندا 12 قاراشادا Hyundai Elantra اۆتوكولىگى ورتەنىپ، كەيىن كولىكتەگى گاز باللون جابدىعى جارىلدى. وقيعا سالدارىنان زارداپ شەككەندەر جوق، دەپ حابارلايدى "ادىرنا".
بۇل تۋرالى ماڭعىستاۋ وبلىسىنىڭ توتەنشە جاعدايلار دەپارتامەنتى حابارلادى.
ۆەدومستۆونىڭ مالىمەتىنشە، 27-شاعىن اۋدانداعى ءورت تۋرالى حابارلاما ساعات 11:46-دا تۇسكەن. ورتەنگەن اۆتوكولىككە كولەمى 45 ليترلىك گاز باللون جابدىعى ورناتىلعان.
ءورت سوندىرۋشىلەر وقيعا ورنىنا جەتكەنگە دەيىن گاز باللون جابدىعى جارىلعان. توتەنشە جاعدايلار قىزمەتىنىڭ ماماندارى ءورتتى ساعات 11:58-دە تولىق ءسوندىردى.
وقيعا ورنىنا تجد-نىڭ 6 قىزمەتكەرى مەن 1 ارنايى تەحنيكا جۇمىلدىرىلدى. ءورت سالدارىنان ەشكىم زارداپ شەككەن جوق.
ۇقساس جاڭالىقتار
