مەكتەپ ديرەكتورىنىڭ ولىمىنە قاتىستى تىڭ دەرەكتەر شىقتى

10290
Adyrna.kz Telegram

الماتى وبلىسى ۇلكەن اقسۋ اۋىلىنداعى مەكتەپ ديرەكتورى ءوز-وزىنە قول جۇمساعاننان كەيىن جەرگىلىكتى تۇرعىندار ونىڭ ورىنباسارىن جۇمىستان شىعارۋدى تالاپ ەتۋدە، دەپ حابارلايدى "ادىرنا" ۇلتتىق پورتالى time.kz-گە سىلتەمە جاساپ.

ولار ونى مۇعالىمنىڭ ولىمىنە كىنالى دەپ سانايدى. قارسىلىق رەتىندە اتا-انالار بالالارىن مەكتەپكە جىبەرۋدەن باس تارتىپ وتىر.

وتكەن جەكسەنبىدە ۇيعىر اۋدانىنداعى بىرنەشە اۋىلدىڭ تۇرعىندارى مەكتەپ ديرەكتورى، 46 جاستاعى ازيزجان داراەۆتى سوڭعى ساپارعا شىعارىپ سالدى. مۇعالىم 10 قىركۇيەك كۇنى كەشكە ءوزىن-ءوزى ءولتىردى. ونىڭ دەنەسىن جاقىندارى ءوز ءۇيىنىڭ سارايىنان تاپتى.

ءومىرىنىڭ 26 جىلىن جاس ۇرپاق تاربيەسىنە ارناعان ازاماتتىڭ ءولىمى بارشا جۇرت ءۇشىن سىلكىنىس بولدى. ديرەكتور مەن ونىڭ قاراماعىنداعى جانجال تۋرالى اۋداندا ءبارى بىلەتىن. بىراق ءبارى وسىلاي قايعىلى اياقتالادى دەپ ەشكىم ويلاماعان.

اۋىل تۇرعىندارىنىڭ ايتۋىنشا، ازيزجان داراەۆ ءوزىنىڭ تىم مەيىرىمدى بولۋىنىڭ كەسىرىنەن جاپا شەككەن. ەگەر ەكى جىل بۇرىن ول اۋدان اكىمىنىڭ سىنىپتاسى مارات مۇحامەتوۆتى ءوزىنىڭ شارۋاشىلىق جونىندەگى ورىنباسارى رەتىندە جۇمىسقا قابىلداماسا، بۇگىنگى قايعىلى وقيعا بولماس ەدى.

ولاردىڭ اراسىنداعى تۇسىنىسپەۋشىلىك تاعايىنداۋدان كەيىن بىردەن باستالدى. وسىنداي جوعارى لاۋازىمعا يە بولعان مۇحامەتوۆ مەكتەپتەگى ءاربىر ەدەن جۋشى مەن اۋلا سىپىرۋشىنىڭ جۇمىسىنان كىنا ىزدەي باستادى: وعان ولاردىڭ اۋماقتى قالاي سىپىراتىنى، تازالىقتى قالاي جۇرگىزەتىنى، ءتىپتى گۇلدەردى قالاي سۋاراتىنى ۇنامادى.

شارۋاشىلىق ءبولىمىنىڭ قىزمەتكەرلەرى باستىقتارىنا شاعىمدانۋعا كەلگەن كەزدە، مەكتەپ ديرەكتورى جانجالدى شەشۋگە تىرىسادى. داراەۆ مۇحامەتوۆتى مۇعالىمدەر كەڭەسىنە شاقىرىپ، سايكەسىنشە ۇرسادى. بىراق ديرەكتوردىڭ ورىنباسارى ونىڭ سوزىنە ءتىپتى قۇلاق اسپاعان كورىنەدى. اشۋلانعان ەدەن جۋشىلار مەن بىرنەشە جاس مۇعالىمدەر پوليتسياعا ارىز جازادى. الايدا ءتارتىپ ساقشىلارى ديرەكتوردىڭ ورىنباسارىنا قاتىستى قىلمىستىق ءىس قوزعامايدى. ولار ونىڭ ارەكەتىندە ەشقانداي قىلمىس قۇرامى جوق دەگەن شەشىمگە كەلىپ، ءوزارا تاتۋلاسۋدى سۇرايدى.

سودان كەيىن مۇعالىمدەر الەۋمەتتىك جەلىگە، الماتى وبلىسىنىڭ ءبىلىم باسقارماسىنا مەكتەپ قابىرعاسىندا ورىن العان ديرەكتور ورىنباسارىنىڭ ادەپسىز ارەكەتى تۋرالى جازا باستايدى. سونىڭ ناتيجەسىندە، ءتىپتى تەكسەرىس تە ورىن الىپ مۇعالىمدەر مەن ەدەن جۋشىلار قىسىم كورسەتۋ فاكتىلەرىن راستايدى. ناتيجەسىندە مەكتەپ ديرەكتورىنا مارات مۇحامەتوۆتى قىزمەتىنەن بوساتۋ ۇسىنىلادى.

وسىلايشا، ادەپسىز قىلىعى ءۇشىن ول ورىندىقپەن قوشتاسادى. بىراق شارۋاشىلىق مەڭگەرۋشىسى ءدال وسىلاي وڭايشىلىقپەن بەرىلگىسى كەلمەي ۇيعىر اۋدانىنىڭ سوتىنا جۇگىنەدى.

سوت ديرەكتوردىڭ بۇيرىعىن زاڭسىز دەپ تانىدى، ويتكەنى مۇنداي ەڭبەك داۋلارىن شەشۋدى توقتاتۋ تەك تاربيەلىك فۋنكتسيالاردى تىكەلەي ورىندايتىن ادامدارعا قاتىستى رۇقسات ەتىلەدى. ديرەكتوردىڭ شارۋاشىلىق جونىندەگى ورىنباسارىنىڭ لاۋازىمدىق وكىلەتتىگىنە بالالاردى تاربيەلەۋ كىرمەگەن.

 

9 ماۋسىمدا سوت ءوز شەشىمىمەن مۇحامەتوۆتى بۇرىنعى قىزمەتىنە قايتا ورنالاستىرادى. ونىڭ ۇستىنە ونى ءماجبۇرلى تۇردە جۇمىسقا شىقپاعانى ءۇشىن 381 مىڭ تەڭگە تولەۋگە مىندەتتەيدى. الايدا، ەر ادام كەنەتتەن اۋىرىپ، 26 تامىزعا دەيىن اۋرۋحانادا بولعان.

- جۇمىسقا كەلگەننەن كەيىن مۇحامەتوۆ پەن ديرەكتوردىڭ اراسىندا قايتادان جانجال باستالدى. ۇجىمدا مورالدىق-پسيحولوگيالىق احۋال شيەلەنىسە ءتۇستى. مۇعالىمدەر ەكى توپقا ءبولىنىپ، بالالارعا ءبىلىم بەرۋدىڭ ورنىنا، ءبىر-بىرىنە قارسى ايىپتاۋشى دالەلدەردى ىزدەي باستادى، - دەپ ەسكە الادى ۇيعىر اۋدانى ءبىلىم ءبولىمىنىڭ باسشىسى ادىلجان اشيروۆ.

ال جانجالدى رەتتەۋ مۇمكىن بولماعان كەزدە، بىرنەشە مۇعالىم وسى ۋاقىتقا دەيىن اتىن جاسىرىپ جۇرگەن شارۋاشىلىق مەڭگەرۋشىسىنىڭ سىنىپتاسى، اۋدان اكىمى شۋحرات ءنۋراحۋنوۆتىڭ قابىلداۋىنا جازىلادى. بۇل ماسەلەگە ءبىرجولا نۇكتە قويۋ ءۇشىن اكىم كەڭەس قۇرىپ، ءوزىنىڭ ورىنباسارىن، اپپارات جەتەكشىسىن، اۋىلدىق وكرۋگتىڭ كۋراتورى مەن ءبىلىم ءبولىمىنىڭ مەڭگەرۋشىسىن شاقىرادى.

- ارىپتەستەرمەن اقىلداسا كەلە، ءبىز ەكەۋىن دە ءوز ەرىكتەرىمەن ارىز جازۋعا كوندىرەمىز دەپ شەشتىك. ءبىز مەكتەپتەگى جانجالدى وسىلايشا شەشەمىز دەپ ۇمىتتەنگەن ەدىك. بۇل رەتتە، ارينە ءبىز ەكەۋىن دە جۇمىستان بوساتۋعا ەشقانداي زاڭدى نەگىز جوق ەكەنىن تۇسىندىك، - دەپ حابارلادى اۋدان اكىمى نۇراحۋنوۆ.

- مەن القالى شەشىم تۋرالى مەكتەپ ديرەكتورىنا جەكە حابارلادىم. مەن ونىڭ مۇعالىمدىك قىزمەتىنە ەشقانداي شاعىمىم جوق ەكەنىن ايتتىم، بىراق مۇحامەتوۆ ەكەۋىنىڭ اراسىنداعى جانجالعا بايلانىستى مەكتەپتەگى مورالدىق -پسيحولوگيالىق احۋال ادام توزگىسىز كۇيگە تۇسكەنىنە توقتالدىم. سوندىقتان وعان ءوز ەركىمەن جۇمىستان بوساتۋ تۋرالى ءوتىنىش جازۋدى ءوتىندىم.

ازيزجان داراەۆتىڭ جالعىز تىلەگى اۋدان اكىمىنىڭ جاعدايدى ۇجىمعا جەكە ءتۇسىندىرىپ، ونى قۇرمەتپەن شىعارىپ سالۋى ەدى. وعان وڭ جاۋاپ بەرىلدى.

كەلەسى كۇنى شارۋاشىلىق مەڭگەرۋشىسى مۇحامەتوۆ اكىمنىڭ رەسمي قابىلداۋىن سۇرادى. ول ءوز ەركىمەن جۇمىستان بوساتۋ تۋرالى ءوتىنىش جازۋدان ءۇزىلدى-كەسىلدى باس تارتتى. سوندىقتان 5 قىركۇيەكتە داراەۆقا ونىڭ وتىنىشىنە قول قويىلماعانى جانە ول مەكتەپ ديرەكتورى رەتىندە جۇمىسىن جالعاستىرۋى كەرەك ەكەندىگىن حابارلادى.

كۋاگەرلەردىڭ ايتۋىنشا، 6-10 قىركۇيەك ارالىعىندا ديرەكتور جۇمىستا بولعان. بۇل جاعدايدا ونىمەن  شارۋاشىلىق مەڭگەرۋشىسى اراسىندا ەشقانداي جانجال بايقالعان جوق. جۇما كۇنى كەشكە داراەۆتىڭ ءوز-وزىنە قول جۇمساعانى تۋرالى اقپارات كەلدى.

- مەكتەپ ديرەكتورىنىڭ بۇل ارەكەتى ءبىزدى تاڭ قالدىردى. 11 قىركۇيەك كۇنى تاڭەرتەڭ مەن مۇحامەتوۆپەن تاعى كەزدەستىم. مەن وعان مۇنداي قايعىلى وقيعادان كەيىن بۇل كوللەكتيۆتە جۇمىس جاساي المايتىنىن ايتتىم. وعان ادامي تۇردە جۇمىستان بوساتۋ تۋرالى ءوتىنىش جازۋدى سۇرادىم، ول  ءۇزىلدى-كەسىلدى باس تارتتى، - دەيدى نۇراحۋنوۆ. ول ديرەكتوردىڭ ولىمىنە ءوزىنىڭ كىنالى ەمەس ەكەنىن ايتتى. بۇل ونىڭ تاڭداۋى بولدى.

بۇل ارادا 13 قىركۇيەكتە ۇلكەن اقسۋ اۋىلىنىڭ تۇرعىندارى مەن بۇل 50 -گە جۋىق وتباسى اۋدان اكىمىنە ۋلتيماتۋم قويدى. اۋىل تۇرعىندارى بۇدان ءارى مارات مۇحامەتوۆ شارۋاشىلىق مەڭگەرۋشىسى بولىپ قالا بەرسە، بالالارىن مەكتەپكە جىبەرۋدەن باس تارتىپ وتىر. ۇيعىر اۋدانىنىڭ ءبىلىم بەرۋ ءبولىمىنىڭ باسشىلىعىنىڭ قىزمەتتىك تەرگەۋ اياقتالعانعا دەيىن حالىقتىڭ تىلەگىن قاناعاتتاندىرىپ، شارۋاشىلىق ءبولىم بويىنشا ورىنباساردى جۇمىستان ۋاقىتشا شەتتەتۋدەن باسقا امالى قالمادى. اۋداندىق پوليتسيا بولىمىندە وقيعا فاكتىسى بويىنشا قىلمىستىق ءىس قوزعالدى، تەرگەۋ امالدارى جۇرگىزىلۋدە.

"ادىرنا" ۇلتتىق پورتالى

پىكىرلەر