Almaty oblysy Úlken Aqsý aýylyndaǵy mektep dırektory óz-ózine qol jumsaǵannan keıin jergilikti turǵyndar onyń orynbasaryn jumystan shyǵarýdy talap etýde, dep habarlaıdy "Adyrna" ulttyq portaly time.kz-ge silteme jasap.
Olar ony muǵalimniń ólimine kináli dep sanaıdy. Qarsylyq retinde ata-analar balalaryn mektepke jiberýden bas tartyp otyr.
Ótken jeksenbide Uıǵyr aýdanyndaǵy birneshe aýyldyń turǵyndary mektep dırektory, 46 jastaǵy Azızjan Daraevty sońǵy saparǵa shyǵaryp saldy. Muǵalim 10 qyrkúıek kúni keshke ózin-ózi óltirdi. Onyń denesin jaqyndary óz úıiniń saraıynan tapty.
Ómiriniń 26 jylyn jas urpaq tárbıesine arnaǵan azamattyń ólimi barsha jurt úshin silkinis boldy. Dırektor men onyń qaramaǵyndaǵy janjal týraly aýdanda bári biletin. Biraq bári osylaı qaıǵyly aıaqtalady dep eshkim oılamaǵan.
Aýyl turǵyndarynyń aıtýynsha, Azızjan Daraev óziniń tym meıirimdi bolýynyń kesirinen japa shekken. Eger eki jyl buryn ol aýdan ákiminiń synyptasy Marat Muhametovti óziniń sharýashylyq jónindegi orynbasary retinde jumysqa qabyldamasa, búgingi qaıǵyly oqıǵa bolmas edi.
Olardyń arasyndaǵy túsinispeýshilik taǵaıyndaýdan keıin birden bastaldy. Osyndaı joǵary laýazymǵa ıe bolǵan Muhametov mekteptegi árbir eden jýýshy men aýla sypyrýshynyń jumysynan kiná izdeı bastady: oǵan olardyń aýmaqty qalaı sypyratyny, tazalyqty qalaı júrgizetini, tipti gúlderdi qalaı sýaratyny unamady.
Sharýashylyq bóliminiń qyzmetkerleri bastyqtaryna shaǵymdanýǵa kelgen kezde, mektep dırektory janjaldy sheshýge tyrysady. Daraev Muhametovti muǵalimder keńesine shaqyryp, sáıkesinshe ursady. Biraq dırektordyń orynbasary onyń sózine tipti qulaq aspaǵan kórinedi. Ashýlanǵan eden jýýshylar men birneshe jas muǵalimder polıııaǵa aryz jazady. Alaıda tártip saqshylary dırektordyń orynbasaryna qatysty qylmystyq is qozǵamaıdy. Olar onyń áreketinde eshqandaı qylmys quramy joq degen sheshimge kelip, ózara tatýlasýdy suraıdy.
Sodan keıin muǵalimder áleýmettik jelige, Almaty oblysynyń bilim basqarmasyna mektep qabyrǵasynda oryn alǵan dırektor orynbasarynyń ádepsiz áreketi týraly jaza bastaıdy. Sonyń nátıjesinde, tipti tekseris te oryn alyp muǵalimder men eden jýýshylar qysym kórsetý faktilerin rastaıdy. Nátıjesinde mektep dırektoryna Marat Muhametovti qyzmetinen bosatý usynylady.
Osylaısha, ádepsiz qylyǵy úshin ol oryndyqpen qoshtasady. Biraq sharýashylyq meńgerýshisi dál osylaı ońaıshylyqpen berilgisi kelmeı Uıǵyr aýdanynyń sotyna júginedi.
Sot dırektordyń buıryǵyn zańsyz dep tanydy, óıtkeni mundaı eńbek daýlaryn sheshýdi toqtatý tek tárbıelik fýnkııalardy tikeleı oryndaıtyn adamdarǵa qatysty ruqsat etiledi. Dırektordyń sharýashylyq jónindegi orynbasarynyń laýazymdyq ókilettigine balalardy tárbıeleý kirmegen.
9 maýsymda sot óz sheshimimen Muhametovti burynǵy qyzmetine qaıta ornalastyrady. Onyń ústine ony májbúrli túrde jumysqa shyqpaǵany úshin 381 myń teńge tóleýge mindetteıdi. Alaıda, er adam kenetten aýyryp, 26 tamyzǵa deıin aýrýhanada bolǵan.
- Jumysqa kelgennen keıin Muhametov pen dırektordyń arasynda qaıtadan janjal bastaldy. Ujymda moraldyq-psıhologııalyq ahýal shıelenise tústi. Muǵalimder eki topqa bólinip, balalarǵa bilim berýdiń ornyna, bir-birine qarsy aıyptaýshy dálelderdi izdeı bastady, - dep eske alady Uıǵyr aýdany bilim bóliminiń basshysy Adyljan Ashırov.
Al janjaldy retteý múmkin bolmaǵan kezde, birneshe muǵalim osy ýaqytqa deıin atyn jasyryp júrgen sharýashylyq meńgerýshisiniń synyptasy, aýdan ákimi Shýhrat Nýrahýnovtiń qabyldaýyna jazylady. Bul máselege birjola núkte qoıý úshin ákim keńes quryp, óziniń orynbasaryn, apparat jetekshisin, aýyldyq okrýgtiń kýratory men bilim bóliminiń meńgerýshisin shaqyrady.
- Áriptestermen aqyldasa kele, biz ekeýin de óz erikterimen aryz jazýǵa kóndiremiz dep sheshtik. Biz mekteptegi janjaldy osylaısha sheshemiz dep úmittengen edik. Bul rette, árıne biz ekeýin de jumystan bosatýǵa eshqandaı zańdy negiz joq ekenin túsindik, - dep habarlady aýdan ákimi Nurahýnov.
- Men alqaly sheshim týraly mektep dırektoryna jeke habarladym. Men onyń muǵalimdik qyzmetine eshqandaı shaǵymym joq ekenin aıttym, biraq Muhametov ekeýiniń arasyndaǵy janjalǵa baılanysty mekteptegi moraldyq -psıhologııalyq ahýal adam tózgisiz kúıge túskenine toqtaldym. Sondyqtan oǵan óz erkimen jumystan bosatý týraly ótinish jazýdy ótindim.
Azızjan Daraevtyń jalǵyz tilegi aýdan ákiminiń jaǵdaıdy ujymǵa jeke túsindirip, ony qurmetpen shyǵaryp salýy edi. Oǵan oń jaýap berildi.
Kelesi kúni sharýashylyq meńgerýshisi Muhametov ákimniń resmı qabyldaýyn surady. Ol óz erkimen jumystan bosatý týraly ótinish jazýdan úzildi-kesildi bas tartty. Sondyqtan 5 qyrkúıekte Daraevqa onyń ótinishine qol qoıylmaǵany jáne ol mektep dırektory retinde jumysyn jalǵastyrýy kerek ekendigin habarlady.
Kýágerlerdiń aıtýynsha, 6-10 qyrkúıek aralyǵynda dırektor jumysta bolǵan. Bul jaǵdaıda onymen sharýashylyq meńgerýshisi arasynda eshqandaı janjal baıqalǵan joq. Juma kúni keshke Daraevtyń óz-ózine qol jumsaǵany týraly aqparat keldi.
- Mektep dırektorynyń bul áreketi bizdi tań qaldyrdy. 11 qyrkúıek kúni tańerteń men Muhametovpen taǵy kezdestim. Men oǵan mundaı qaıǵyly oqıǵadan keıin bul kollektıvte jumys jasaı almaıtynyn aıttym. Oǵan adamı túrde jumystan bosatý týraly ótinish jazýdy suradym, ol úzildi-kesildi bas tartty, - deıdi Nurahýnov. Ol dırektordyń ólimine óziniń kináli emes ekenin aıtty. Bul onyń tańdaýy boldy.
Bul arada 13 qyrkúıekte Úlken Aqsý aýylynyń turǵyndary men bul 50 -ge jýyq otbasy aýdan ákimine ýltımatým qoıdy. Aýyl turǵyndary budan ári Marat Muhametov sharýashylyq meńgerýshisi bolyp qala berse, balalaryn mektepke jiberýden bas tartyp otyr. Uıǵyr aýdanynyń bilim berý bóliminiń basshylyǵynyń qyzmettik tergeý aıaqtalǵanǵa deıin halyqtyń tilegin qanaǵattandyryp, sharýashylyq bólim boıynsha orynbasardy jumystan ýaqytsha shettetýden basqa amaly qalmady. Aýdandyq polıııa bóliminde oqıǵa faktisi boıynsha qylmystyq is qozǵaldy, tergeý amaldary júrgizilýde.
"Adyrna" ulttyq portaly
