شىمكەنت قالاسىنداعى حيميا – بيولوگيا باعىتىنداعى نازارباەۆ زياتكەرلىك مەكتەبىنىڭ 10-سىنىپ وقۋشىسى گەوگرافيا پانىنەن وتكەن حالىقارالىق وليمپيادادا كۇمىس مەدال جەڭىپ الدى. وليمپيادا تۇركيانىڭ ىستانبۇل قالاسىندا 10-16 تامىز ارالىعىندا ونلاين فورماتتا ءوتتى. زياتكەرلىك جارىسقا الەمنىڭ 46 ەلىنەن 200 وقۋشى قاتىسقان بولاتىن.
وليپيادادان وزا شاپقان شاكىرتكە دە ۇستاز بەن اتا-اناعا دا العىس زور.بۇگىن سالا باسشىسى جانات تاجيەۆا مەن نازارباەۆ زياتكەرلىك مەكتەبىنىڭ باسشىلىعى گەوگرافيا پانىنەن وتكەن حالىقارالىق وليمپيادادا كۇمىس مەدال جەڭىپ العان ەركەبۇلانتازابەككە قۇرمەت گراموتاسىن تابىستادى. وليمپياداعا اقتوبە، شىمكەنت جانە قىزىلوردا قالاسىنان ءتورت وقۋشى - رەسپۋبليكالىق پاندىك وليمپيادانىڭ جەڭىمپازدارى قاتىسقان بولاتىن. كىل مىقتىلاردىڭ اراسىنان سۋىرىلىپ شىققان شىمكەنتتىك شاكىرت قالانىڭ ابىرويىن اسقاقتاتتى.
ەركەبۇلان تازابەك وليمپيادا جەڭىمپازى: مۇنداي وليپيادالار مەن ءبىلىم جارىستارى بىزدەردى شىڭداي تۇسەدى...
ۇلتتىق قۇرامانى جارىسقا تاجىريبەلى پەداگوگتەر مەن جاتتىقتىرۋشىلار دايىندادى. زياتكەرلىك سايىستىڭ تاپسىرمالارىن جوعارى دەڭگەيدە ورىنداعان قازاقستاندىق ءتورت قاتىسۋشىنىڭ ۇشەۋى جۇلدەگەر اتاندى. وليمپيادا ءۇش ساتىدا ۇيىمداستىرىلدى. جازباشا تەست، مۋلتيمەديالىق تەست جانە دالالىق تۋر، ونىڭ فورماتى گەوگرافيالىق جاعىنان كوپتەگەن ۇلتتىق وليمپيادالارعا ۇقساس دەيدى ماماندار. بيىل وقۋشىلار ءوز رەكوردتارىن جاڭارتتى.
راۋشان دجەرەنوۆا دارىن ورتالىعىنىڭ ديرەكتورى
ايتا كەتەيىك، بۇگىندە ەلىمىزدە دارىندى بالالارمەن جۇمىس جۇرگىزۋ جۇيەلى جولعا قويىلعان. ەل پرەزيدەنتى ق.توقاەۆ حالىقارالىق وليمپيادا جەڭىمپازدارىن قولداۋ بويىنشا كەشەندى شارالار قابىلداۋدى تاپسىرعان بولاتىن. سونىڭ اياسىندا بۇل باعىتتاعى جۇمىستار ءۇشىنشى مەگاپوليستە دە ءوز ناتيجەسىن بەرۋدە.
م.رىسباەۆا
