Shymkent qalasyndaǵy hımııa – bıologııa baǵytyndaǵy Nazarbaev zııatkerlik mektebiniń 10-synyp oqýshysy geografııa páninen ótken halyqaralyq olımpıadada kúmis medal jeńip aldy. Olımpıada Túrkııanyń Ystanbul qalasynda 10-16 tamyz aralyǵynda onlaın formatta ótti. Zııatkerlik jarysqa álemniń 46 elinen 200 oqýshy qatysqan bolatyn.
Olıpıadadan oza shapqan shákirtke de ustaz ben ata-anaǵa da alǵys zor.Búgin sala basshysy Janat Tajıeva men Nazarbaev zııatkerlik mektebiniń basshylyǵy geografııa páninen ótken halyqaralyq olımpıadada kúmis medal jeńip alǵan ErkebulanTazabekke qurmet gramotasyn tabystady. Olımpıadaǵa Aqtóbe, Shymkent jáne Qyzylorda qalasynan tórt oqýshy - respýblıkalyq pándik olımpıadanyń jeńimpazdary qatysqan bolatyn. Kil myqtylardyń arasynan sýyrylyp shyqqan shymkenttik shákirt qalanyń abyroıyn asqaqtatty.
Erkebulan Tazabek olımpıada jeńimpazy: Mundaı olıpıadalar men bilim jarystary bizderdi shyńdaı túsedi...
Ulttyq quramany jarysqa tájirıbeli pedagogter men jattyqtyrýshylar daıyndady. Zııatkerlik saıystyń tapsyrmalaryn joǵary deńgeıde oryndaǵan qazaqstandyq tórt qatysýshynyń úsheýi júldeger atandy. Olımpıada úsh satyda uıymdastyryldy. Jazbasha test, mýltımedııalyq test jáne dalalyq týr, onyń formaty geografııalyq jaǵynan kóptegen ulttyq olımpıadalarǵa uqsas deıdi mamandar. Bıyl oqýshylar óz rekordtaryn jańartty.
Raýshan Djerenova Daryn ortalyǵynyń dırektory
Aıta keteıik, búginde elimizde daryndy balalarmen jumys júrgizý júıeli jolǵa qoıylǵan. El prezıdenti Q.Toqaev halyqaralyq olımpıada jeńimpazdaryn qoldaý boıynsha keshendi sharalar qabyldaýdy tapsyrǵan bolatyn. Sonyń aıasynda bul baǵyttaǵy jumystar úshinshi megapolıste de óz nátıjesin berýde.
M.Rysbaeva
