شىمكەنت قالاسىنىڭ اكىمى مۇرات ايتەنوۆ قالانىڭ باس جوسپارىنا سايكەس رىسقۇلوۆ-قوناەۆ كوشەلەرىنىڭ قيىلىسىندا سالىنىپ جاتقان جولايرىقتىڭ قۇرىلىس الاڭىندا بولدى. جولايرىقتىڭ جالپى ۇزىندىعى د.قوناەۆ داڭعىلى بويىنشا - 1 030 م، ال ت.رىسقۇلوۆ كوشەسى بويىنشا - 684,7 م. جولدىڭ ەنى - 45 مەتر.
قۇرىلىس جۇمىستارىن تولىعىمەن اياقتاۋ مەرزىمى جەلتوقسان ايىنا جوسپارلانعان. بۇگىندە مۇندا ينجەنەرلىك جۇمىستار تولىعىمەن اياقتالعان. قوناەۆ كوشەسى بويىنشا 300م اسفالت جابىندىسى توسەلگەن جانە جول وتپەسىنىڭ 12 باعاناسى ورناتىلعان. رىسقۇلوۆ كوشەسى بويىنشا ەسكى اسفالت جولى تولىق الىنىپ، جول نەگىزى ازىرلەنگەن. رىسقۇلوۆ بويىنشا بايتۇرسىنوۆ پەن قوناەۆ ارالىعىندا ەكى قابات اسفالت قاباتى توسەلىنگەن.جوباعا سايكەس رىسقۇلوۆ كوشەسىندە بايتۇرسىنوۆ كوشەسىنەن دۋلاتي كوشەسىنە دەيىنگى ارالىق جولدىڭ ەنى كەڭەيىپ، جول جامىلعىسىن جاڭارتۋ جۇمىستارى قاراستىرىلعان. كوپىر وتكەلىن سالۋ، جول جامىلعىسىن سالۋ جۇمىستارىن جالعاستىرۋ ءۇشىن، رىسقۇلوۆ كوشەسىن بايتۇرسىنوۆ كوشەسىنەن دۋلاتي كوشەسىنە دەيىن كولىك قوزعالىسى 10 قىركۇيەككە دەيىن شەكتەلگەن. جۇمىس قارقىنىن كورگەن قالا اكىمى قۇرىلىسقا كەدەرگى بولاتىن ماسەلەنىڭ بارلىعىن تەزدەتىپ شەشۋدى تاپسىردى.
