Qala ákimi jolaıryqtyń qurylys alańyna bardy

1972
Adyrna.kz Telegram

Shymkent qalasynyń ákimi Murat Áıtenov qalanyń bas josparyna sáıkes Rysqulov-Qonaev kósheleriniń qıylysynda salynyp jatqan jolaıryqtyń qurylys alańynda boldy. Jolaıryqtyń jalpy uzyndyǵy D.Qonaev dańǵyly boıynsha - 1 030 m, al T.Rysqulov kóshesi boıynsha - 684,7 m. Joldyń eni - 45 metr.

Qurylys jumystaryn tolyǵymen aıaqtaý merzimi jeltoqsan aıyna josparlanǵan. Búginde munda ınjenerlik jumystar tolyǵymen aıaqtalǵan. Qonaev kóshesi boıynsha 300m asfalt jabyndysy tóselgen jáne jol ótpesiniń 12 baǵanasy ornatylǵan. Rysqulov kóshesi boıynsha eski asfalt joly tolyq alynyp, jol negizi ázirlengen. Rysqulov boıynsha Baıtursynov pen Qonaev aralyǵynda eki qabat asfalt qabaty tóselingen.Jobaǵa sáıkes Rysqulov kóshesinde Baıtursynov kóshesinen Dýlatı kóshesine deıingi aralyq joldyń eni keńeıip, jol jamylǵysyn jańartý jumystary qarastyrylǵan. Kópir ótkelin salý, jol jamylǵysyn salý jumystaryn jalǵastyrý úshin, Rysqulov kóshesin Baıtursynov kóshesinen Dýlatı kóshesine deıin kólik qozǵalysy 10 qyrkúıekke deıin shektelgen. Jumys qarqynyn kórgen qala ákimi qurylysqa kedergi bolatyn máseleniń barlyǵyn tezdetip sheshýdi tapsyrdy.

Pikirler