شىمكەنت قالاسىنىڭ اكىمى مۇرات ايتەنوۆ قالالىق اۋىل شارۋاشىلىعى جانە ۆەتەريناريا باسقارماسىنىڭ باسشىسى اسقار قانىبەكوۆتى قابىلداپ، التى ايدا اتقارعان جۇمىستارىنىڭ ەسەبىن تىڭدادى. باسقارما باسشىسى ءوز بايانداماسىندا شىمكەنت قالاسىندا 2021 جىلدىڭ قاڭتار-ماۋسىم ايلارىندا اۋىل شارۋاشىلىعىنىڭ جالپى ءونىم كولەمى 17,2 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 3095 ملن. تەڭگەگە ارتقانىن ايتتى. ناقتى كولەم يندەكسى 102,1 پايىزدى قۇراعانىن جەتكىزدى.
بيىلعى جىلى 29,3 مىڭ گەكتار جەرگە اۋىل شارۋاشىلىق داقىلدارى ەگىلگەن. ونىڭ ىشىندە ءداندى داقىل 12,9 مىڭ گەكتارعا، مايلى داقىل 3,8 مىڭ گا، مال ازىعى 8,9 مىڭ گا، كوكونىس پەن باقشا 3 مىڭ گا، كارتوپ 0,7 مىڭ گەكتارعا ەگىلگەن ەكەن. ناتيجەسىندە 11,2 مىڭ توننا ءداندى داقىل، 0,8 مىڭ توننا مايلى داقىل، 33,2 مىڭ توننا كوكونىس، 3,1 مىڭ توننا كارتوپ، 12 مىڭ توننا مال ازىقتىق داقىلدار ياعني بارلىعى 60,3 مىڭ توننا اۋىل شارۋاشىلىعى داقىلدارى جينالعان. ءوز كەزىندە قالا اكىمى نارىقتا باسەكەگە قابىلەتتى جانە ەكسپورتقا باعىتتالعان ونىمدەر ءوندىرىسىن ۇلعايتۋ قاجەت ەكەنىن ايتتى. ەسەپتى جيىن سوڭىندا مۇرات ايتەنوۆ اۋىل شارۋاشىلىعى سالاسىنا بەرىلەتىن قولداۋلاردى ءتيىمدى پايدالانا وتىرىپ، قىزۋشىلىق تانىتقان شارۋالاردىڭ جوبالارىن جۇزەگە اسىرۋدا بەلسەندىلىك تانىتۋدى تاپسىردى.
شىمكەنتتە جىل باسىنان بەرى اۋىلشارۋاشىلىق سالاسىندا14 ينۆەستيتسيالىق جوبا ىسكە قوسىلدى
شىمكەنت قالاسىندا اۋىل شارۋاشىلىق سالاسىندا بيىل قۇنى 9 ملرد. تەڭگەگە 1500 جۇمىس ورنىمەن 25 جوبانى ىسكە قوسۋ جوسپارلانعان. ونىڭ ىشىندە جىلى جاي سالۋ، 241 گەكتار قارقىندى باۋ، كوكونىستى قايتا وڭدەيتىن زاۋىت، قۇس فەرمالارىنىڭ قۋاتتىلىعىن ارتتىرۋ، مال بورداقىلايتىن ورىن مەن ءسۇت فەرماسى جانە بالىق شارۋاشىلىعىن دامىتۋ قولعا الىندى. بۇگىنگە قۇنى 5,2 ملرد. تەڭگەنى قۇرايتىن 14 جوبا ىسكە قوسىلىپ، ناتيجەسىندە 208 جاڭا جۇمىس ورنى اشىلدى. قالعان جوبالار جىلدىڭ سوڭىنا دەيىن اشىلاتىن بولادى. ناتيجەسىندە جالپى ءونىمنىڭ كولەمى 37 ملرد. تەڭگەنى قۇراپ، ەڭبەك ونىمدىلىگى ءبىر جۇمىسشىعا شاققاندا 3 ملن تەڭگەگە جەتەدى. ءوسىمى 108,5% قۇرايدى.
شىمكەنتتە التى ايدا 77 ميلليون دانا جۇمىرتقا ءوندىرىلدى
شىمكەنت قالاسىندا بيىلعى جىلدىڭ التى ايىندا اۋىل شارۋاشىلىعى ءونىمىنىڭ جالپى كولەمى 17,2 ملرد. تەڭگەنى قۇراپ، بىلتىرعى جىلدىڭ وسى كەزەڭىمەن سالىستىرعاندا ەداۋىر ارتقان. وسى ۋاقىت ىشىندە 8,7 مىڭ توننادان استام ەت، 26,3 توننا ءسۇت جانە 77,7 ملن. دانا جۇمىرتقا ءوندىرىلدى.ەسەپتى كەزەڭدە ءىرى قارا مال سانى 82,8 مىڭ باستى، قوي مەن ەشكى سانى 113 مىڭ باستى، جىلقى 14,8 مىڭ باستى، قۇس 975,6 مىڭ باستى قۇراپ وتىر.
ءا. داۋلەتبەكقىزى
