Shymkent qalasynyń ákimi Murat Áıtenov qalalyq aýyl sharýashylyǵy jáne veterınarııa basqarmasynyń basshysy Asqar Qanybekovti qabyldap, alty aıda atqarǵan jumystarynyń esebin tyńdady. Basqarma basshysy óz baıandamasynda Shymkent qalasynda 2021 jyldyń qańtar-maýsym aılarynda aýyl sharýashylyǵynyń jalpy ónim kólemi 17,2 mlrd. teńgeni qurap, ótken jyldyń tıisti kezeńimen salystyrǵanda 3095 mln. teńgege artqanyn aıtty. Naqty kólem ındeksi 102,1 paıyzdy quraǵanyn jetkizdi.
Bıylǵy jyly 29,3 myń gektar jerge aýyl sharýashylyq daqyldary egilgen. Onyń ishinde dándi daqyl 12,9 myń gektarǵa, maıly daqyl 3,8 myń ga, mal azyǵy 8,9 myń ga, kókónis pen baqsha 3 myń ga, kartop 0,7 myń gektarǵa egilgen eken. Nátıjesinde 11,2 myń tonna dándi daqyl, 0,8 myń tonna maıly daqyl, 33,2 myń tonna kókónis, 3,1 myń tonna kartop, 12 myń tonna mal azyqtyq daqyldar ıaǵnı barlyǵy 60,3 myń tonna aýyl sharýashylyǵy daqyldary jınalǵan. Óz kezinde qala ákimi naryqta básekege qabiletti jáne eksportqa baǵyttalǵan ónimder óndirisin ulǵaıtý qajet ekenin aıtty. Esepti jıyn sońynda Murat Áıtenov aýyl sharýashylyǵy salasyna beriletin qoldaýlardy tıimdi paıdalana otyryp, qyzýshylyq tanytqan sharýalardyń jobalaryn júzege asyrýda belsendilik tanytýdy tapsyrdy.
ShYMKENTTE JYL BASYNAN BERI AÝYLShARÝAShYLYQ SALASYNDA14 INVESTIIIaLYQ JOBA ISKE QOSYLDY
Shymkent qalasynda aýyl sharýashylyq salasynda bıyl quny 9 mlrd. teńgege 1500 jumys ornymen 25 jobany iske qosý josparlanǵan. Onyń ishinde jyly jaı salý, 241 gektar qarqyndy baý, kókónisti qaıta óńdeıtin zaýyt, qus fermalarynyń qýattylyǵyn arttyrý, mal bordaqylaıtyn oryn men sút fermasy jáne balyq sharýashylyǵyn damytý qolǵa alyndy. Búginge quny 5,2 mlrd. teńgeni quraıtyn 14 joba iske qosylyp, nátıjesinde 208 jańa jumys orny ashyldy. Qalǵan jobalar jyldyń sońyna deıin ashylatyn bolady. Nátıjesinde jalpy ónimniń kólemi 37 mlrd. teńgeni qurap, eńbek ónimdiligi bir jumysshyǵa shaqqanda 3 mln teńgege jetedi. Ósimi 108,5% quraıdy.
ShYMKENTTE ALTY AIDA 77 MILLION DANA JUMYRTQA ÓNDIRILDI
Shymkent qalasynda bıylǵy jyldyń alty aıynda aýyl sharýashylyǵy óniminiń jalpy kólemi 17,2 mlrd. teńgeni qurap, byltyrǵy jyldyń osy kezeńimen salystyrǵanda edáýir artqan. Osy ýaqyt ishinde 8,7 myń tonnadan astam et, 26,3 tonna sút jáne 77,7 mln. dana jumyrtqa óndirildi.Esepti kezeńde iri qara mal sany 82,8 myń basty, qoı men eshki sany 113 myń basty, jylqy 14,8 myń basty, qus 975,6 myń basty qurap otyr.
Á. Dáýletbekqyzy
