شىمكەنتتە كاسىپكەرلىكتى قولداۋعا بولىنگەن قارجى 3 ەسە ارتتى

624

بۇگىنگى تاڭدا شىمكەنتتە شاعىن جانە ورتا كاسىپكەرلىكتىڭ نەگىزگى كورسەتكىشتەرى بويىنشا وڭ ديناميكا بار. شاعىن جانە ورتا كاسىپكەرلىكتە جۇمىسپەن قامتىلعاندار سانى 161,4 مىڭ ادامدى قۇراپ، وتكەن جىلدىڭ سايكەس كەزەڭىنە قاراعاندا 105,4%-عا ارتتى. شاعىن جانە ورتا بيزنەستىڭ وندىرگەن ءونىمىنىڭ قۇنى 302,2 ملرد. تەڭگەنى قۇراپ، جالپى وڭىرلىك ونىمدەگى ۇلەسى 29 %-دى قۇرادى. بۇل جونىندە قالا اكىمىنە ەسەپ بەرۋ بارىسىندا كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ باياندادى.

ول مەملەكەتتىك قولداۋدىڭ ارقاسىندا كاسىپكەرلەردىڭ سانى اي سايىن ارتىپ وتىرعانىن جەتكىزدى. بيىل كاسىپكەرلىكتى قولداۋعا بولىنگەن قارجى وتكەن جىلمەن سالىستىرعاندا 3 ەسە ارتىق.ناتيجەسىندە «بيزنەستىڭ جول كارتاسى-2025» باعدارلاماسى شەڭبەرىندە 2 996,3 ملن. تەڭگەگە 970 جوباعا قولداۋ كورسەتىلدى.«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» مەملەكەتتىك باعدارلاماسى اياسىندا 552,4 ملن. تەڭگەگە 39 جوبا قارجىلاندىرىلعان.

ال، «مەن كاسىپكەر بولامىن» ايەلدەر مەن جاستار كاسىپكەرلىگىن دامىتۋ ارنايى ءىس-شارا جوسپارىنا سايكەس 146 ملن. تەڭگەگە 16 كاسىپكەرگە نەسيە بەرىلگەن، ونىڭ ىشىندە 136 ملن. تەڭگەگە 14 ايەل كاسىپكەردىڭ، 10 ملن. تەڭگەگە 2 جاس كاسىپكەردىڭ جوبالارى قولداۋ تاپقان.«قاراپايىم زاتتار ەكونوميكاسى» باعدارلاماسى اياسىندا 61 كاسىپكەرگە قولداۋ كورسەتىلدى. بۇل جىلى ولاردىڭ سانىن 100-گە جەتكىزۋ جوسپارلانعان. جارتى جىلدىقتا اتقارىلعان جۇمىستارمەن تانىسقان اكىم نەگىزگى ينديكاتورلاردىڭ ورىندالۋ بارىسىن سۇرادى. مەملەكەتتىك باعدارلامالاردىڭ جۇزەگە اسۋى اياسىندا بوس جۇمىس ورىندارىنىڭ سانىن ۇلعايتۋدى تاپسىردى.

جاڭا جوبالار ارقىلى جاڭا جۇمىس ورىندارى قۇرىلادى. ەڭ ءبىرىنشى ءوزىمىزدىڭ قالا تۇرعىندارىن جۇمىسپەن قامتۋ كەرەكپىز. ول حالىقتىڭ الەۋمەتتىك جاعدايىنا اسەر ەتەدى. سونىمەن بىرگە، ەكسپورت كورسەتكىشىن ارتتىرۋ قاجەت. شاعىن جانە ورتا بيزنەستى دامىتۋ ءۇشىن حالىق اراسىندا تۇسىندىرمە جۇمىستارى كەڭىنەن جۇرگىزىلسىن. ولارعا قانداي قولداۋ كورسەتىلىپ جاتقانىن تانىستىرىپ، باعىت-باعدار بەرۋ كەرەك. بۇل تۇرعىدا «شىمكەنت» اقك –مەن بىرلەسە وتىرا «بيزنەسكە ارنالعان ۇكىمەت» فرونت وفيستىڭ جۇمىسىن جانداندىرىڭدار، - دەپ تاپسىردى شاھار باسشىسى.

پىكىرلەر
رەداكتسيا تاڭداۋى